«استانا ەكسپو-2017» ۇلتتىق كومپانياسى» اق پەن «اتامەكەن» ۇلتتىق كاسىپكەرلەر پالاتاسى ىنتىماقتاستىق تۋرالى مەموراندۋمعا قول قويدى. ەكسپو-2017 حالىقارالىق مامانداندىرىلعان كورمەسىنە دايىندىق جۇمىستارى مەن ۇيىمداستىرۋ ىسىنە قازاقستاندىق بيزنەستى تارتۋدى ماقسات ەتكەن قۇجات اياسىندا قىزمەت كورسەتۋ سالاسىندا جەرگىلىكتى مازمۇندى ۇلعايتۋ, اسىرەسە, وڭىرلەردەگى شاعىن جانە ورتا بيزنەستى تارتۋ ماسەلەسى قاراستىرىلماق.
جيىندا «استانا ەكسپو-2017» ۇلتتىق كومپانياسىنىڭ باسشىسى احمەتجان ەسىموۆ استانادا ۇيىمداستىرىلاتىن كورمە بالامالى قۋات كوزدەرىن پايدالانۋ سالاسىنداعى تىڭ دۇنيەلەردى تالقىلايتىن الەمدىك الاڭعا اينالاتىندىعىن ايتتى. سونداي-اق, ۇلتتىق جوبا مەملەكەتىمىزدىڭ يننوۆاتسيالىق دامۋىنا سەرپىن بەرەدى. «كورمە, شىن مانىندە, وتاندىق كاسىپكەرلىكتى قولداۋعا باعىتتالعان ۇلتتىق جوباعا اينالدى. جۇمىس ورىندارىن ساقتاپ قالۋعا عانا ەمەس, 50 مىڭ جاڭا جۇمىس ورنىن اشۋعا مۇمكىندىك بەردى. جۇمىستىڭ قىزعان ۋاقىتىندا قۇرىلىس الاڭىنا 14 مىڭنان استام ادام جانە 500-گە جۋىق تەحنيكا جۇمىلدىرىلدى. نىساندار قۇرىلىسىنا 366 وتاندىق تاۋار وندىرۋشىلەرمەن 52,5 ملرد تەڭگەگە كەلىسىمشارت جاسالدى», دەدى ا.ەسىموۆ.
ۇلتتىق كومپانيا باسشىسى حالىقارالىق شارا قىزمەت كورسەتۋ سالاسىنداعى وتاندىق كاسىپكەرلەر بىرەگەي مۇمكىندىك ەكەنىن دە جەتكىزدى. «ەكسپو جاھاندىق نارىقتىڭ ىلگەرىلەۋىنە, وتاندىق برەندتەردىڭ تانىلۋىنا, كوممەرتسيالىق بايلانىستاردىڭ دامۋىنا سەرپىن بەرەدى. بىزدەگى تۋريستىك يندۋستريانىڭ قارىشتى قادام باسۋىنا, تەك سىرتقى عانا ەمەس, ىشكى ءتۋريزمنىڭ دە ىلكىمدى شارۋالارعا ارالاسۋىنا ىقپال ەتەرى انىق. سونىمەن قاتار, ەكسپو-2017 كورمەسىنە دايىندىق پەن ءوتكىزۋ كەزەڭىمەن عانا شەكتەلمەيمىز, ودان كەيىن دە اتقارىلار جۇمىس اۋقىمى وراسان. سوندىقتان, بۇگىندە كورمەدەن سوڭ تەرريتوريانى دامىتۋ بويىنشا تۇجىرىمداما جاسالىپ جاتىر», دەدى احمەتجان ەسىموۆ.
«اتامەكەن» ۇلتتىق كاسىپكەرلەر پالاتاسىنىڭ ءتورالقا توراعاسى تيمۋر ق ۇلىباەۆ ءوز كەزەگىندە كورمە نىساندارى مەن دايىندىق جۇمىستارىنىڭ جوعارى دەڭگەيىن اتاپ ءوتتى. سونداي-اق, ونىڭ بيزنەسكە ۇلكەن ءمۇمكىندىك اشاتىندىعىنا ەرەكشە توقتالدى. «ەكسپو كورمەسى وتەتىن ۋاقىتتا استاناعا كوپتەگەن ادامداردىڭ كەلەتىندىگى وتە ماڭىزدى ءجانە ەلوردا بيزنەسى ءۇشىن ۇلكەن مۇمكىندىك. قوناق ءۇي, مەيرامحانا, ءتۇرلى ويىن-ساۋىق ورتالىقتارى, قىزمەت كورسەتۋ سالاسى, تاعىسىن-تاعىلار قارقىندى داميدى», دەدى ت.ق ۇلىباەۆ. قوس تاراپتىڭ دا پىكىرى وسىعان سايادى, ياعني قۇجاتتىڭ جۇزەگە اسىرىلۋى وتاندىق بيزنەستىڭ دامۋىنا ايتارلىقتاي قولداۋ بىلدىرەدى.
اسحات رايقۇل,
«ەگەمەن قازاقستان»