اقپارات جانە كوممۋنيكاتسيالار مينيسترلىگى وتكەن دەمالىستا جەرگىلىكتى اتقارۋشى جانە جەرگىلىكتى وكىلەتتى ورگانداردىڭ, سونداي-اق, ورتالىق مەملەكەتتىك ورگانداردىڭ ۆەدومستۆولىق باعىنىستى ۇيىمدارىنىڭ ينتەرنەت-رەسۋرستارىن بۇزىپ كىرۋ وقيعاسىن تىركەدى.
ورىن العان بارلىق وقيعالار بويىنشا رەسۋرستاردىڭ يەلەرىنە باسىپ كىرۋ سالدارىن جويۋ ماقساتىندا حابارلاما جولداندى. قولدا بار دەرەكتەر بويىنشا ينتەرنەت-رەسۋرستاردىڭ باسىم بولىگى ءبىر سەرۆەردە ورنالاسقان جانە ءبىر وسالدىعى بار.
بۇل جاعداي مازمۇندى باسقارۋ جۇيەسىن ۋاقتىلى جاڭارتۋعا (CMS), ءتيىستى قورعاۋمەن قامتاماسىز ەتۋگە, وقيعانى ۋاقتىلى انىقتاۋعا, جوسىقسىز ءونىم بەرۋشىلەرمەن ينتەرنەت-رەسۋرستاردى سۇيەمەلدەۋگە شارتتار جاساسۋعا ينتەرنەت-رەسۋرستاردىڭ يەلەرى تاراپىنان باقىلاۋدىڭ جوقتىعىنان بولۋى مۇمكىن.
قازىرگى ۋاقىتتا وسىعان ۇقساس وقيعالاردى الداعى ۋاقىتتا بولدىرماۋ بويىنشا جاۋاپتى ادامدار بارلىق قاجەتتى شارالاردى قابىلداۋدا, دەپ حابارلادى اقپارات جانە كوممۋنيكاتسيالار مينيسترلىگىنىڭ ءباسپاسوز قىزمەتى.