جامبىل وبلىسىندا ساپالى حيميالىق ءونىم وندىرىلەتىن بولادى, دەپ حابارلادى ءوڭىر اكىمدىگى.
«تاراز» حيميالىق پاركى» ارنايى ەكونوميكالىق ايماعى ەلىمىزدىڭ جاڭا ەكونوميكالىق ساياساتى باعدارلاماسىنا ەندى. اەا اۋماعىندا جالپى جىلدىق قۋاتتىلىعى 2 ملن توننادان استام دايىن ءونىمدى قۇرايتىن 16 جوعارى تەحنولوگيالىق حيميالىق زاۋىت سالىناتىن بولادى. اتالعان جوبا اياسىندا 2 مىڭعا جۋىق جۇمىس ورنى اشىلاتىن بولادى.
«اەا-دا ساپالى حيميالىق ءونىم ءوندىرۋ جوسپارلانىپ وتىر. كۇيدىرگىش سودا, حلور, گليفوسات, اممياك, پوليەتيلەن, پەستيتسيدتەر, سۋتەك توتىعى جانە باسقالارى وندىرىلەتىن بولادى. بۇل حيميالىق ونىمدەر رەسپۋبليكامىزدا شىعارىلمايدى نەمەسە از مولشەردە شىعارىلادى», - دەپ اتاپ ءوتتى اكىمدىك وكىلدەرى.
جوبا بويىنشا كونسۋلتانت رەتىندە الەم بويىنشا 140-تان استام جوبانى ءساتتى ىسكە اسىرعان بەلگىلى Jurong سينگاپۋر كونسالتينگتىك كومپانياسى تاڭدالعان.
بۇگىنگى تاڭدا «تاراز» حيميالىق پاركى» اەا-دا بەس قاتىسۋشى تىركەلگەن. ولاردىڭ اراسىندا «حيم-پليۋس», «Gadamindustries», «Central Asia Chemical», «Inter-marketing» جاۋاپكەرشىلىگى شەكتەۋلى سەرىكتەستىكتەرى جانە «نيكا» وندىرىستىك كومپانياسى بار.
جوبالار بويىنشا ينۆەستيتسيالاردىڭ جالپى كولەمى 27 ملرد تەڭگەدەن استام. بولاشاق وندىرىستەردىڭ اينالاسىندا 100-دەن استام شوب سۋبەكتىلەرى پايدا بولادى دەپ بولجانۋدا.
اەا-نى ىسكە قوسۋ كەزەڭ-كەزەڭمەن جۇرگىزىلەدى. العاشقى زاۋىتتىڭ ىسكە قوسىلۋى 2018 جىلعا جوسپارلانعان.