جامبىل وبلىسىنداعى سارىسۋ اۋدانىندا «جۇمىسپەن قامتۋ - 2020» باعدارلاماسى اياسىندا بەرىلگەن نەسيەنىڭ 80 پايىزى مال شارۋاشىلىعىن دامىتۋعا جۇمسالادى. سەبەبى, بۇل ءوڭىر اتا كاسىپتى ورىستەتۋگە قولايلى. ونىڭ ۇستىنە ەتكە دەگەن سۇرانىس تا جىل ساناپ ارتىپ وتىر. سوندىقتان اۋدان جۇرتشىلىعى ءتيىمدى سالاعا باسا نازار اۋدارا باستادى. اسىرەسە بۇل ىسكە اۋىل جاستارىنىڭ قۇلشىنىسى ارتىپ كەلەدى, دەپ حابارلادى 24.kz.
«جۇمىسپەن قامتۋ» باعدارلاماسىنىڭ ەكىنشى باعىتى بويىنشا 6 پايىزبەن 6 ميلليون نەسيە الىپ, بيزنەسىمدى باستادىم. مالدىڭ باسىن كوبەيتىپ, بورداقىلاۋمەن اينالىسىپ, كەلەشەكتە ۇلكەن كاسىپكەر بولۋدى ارماندايمىن», – دەيدى جاس كاسىپكەر ادىلەت تاڭلابەكوۆ.
«جۇمىسپەن قامتۋ-2020» باعدارلاماسى اياسىندا اۋداندا بىلتىر 175 ميلليوننان استام قاراجات يگەرىلگەن. 65 ادام ءوتىنىش ءبىلدىرىپ, 55 ادامنىڭ جوباسى ماقۇلدانعان.