مەملەكەت باسشىسى قازاقستاندىقتارعا ارناعان كونستيتۋتسيالىق رەفورمالار جونىندەگى ۇندەۋىندە ەرەكشە ماڭىزدى ماسەلەلەرگە باسىمدىق بەرىپ وتىر. ەلباسىمىزدىڭ بۇل مالىمدەمەسى ءوزىنىڭ مازمۇندىلىعىمەن جانە ستيليستيكالىق قۇرىلىمىمەن دارالا- نىپ تۇر. ساراپشىلار ۇندەۋدىڭ ماتىنىنە تالداۋ جاساۋ ارقىلى الدا تۇرعان رەفورمالاردىڭ نەگىزگى باسىمدىقتارىن كورسەتىپ بەرەدى دەگەن ويدامىن.
پرەزيدەنت سوزىندەگى جاڭالىق, ول – بايىپتى ءارى سالماقتى وزگەرىستەر. ماڭىزدىلىعى مەن اۋقىمدىلىعى بويىنشا, ونى 90-جىلداردا قابىلداۋعا نيەتتەنگەن زاڭنامالارمەن سالىستىرۋعا بولادى. سەبەبى, ەندى جاڭا تارتىپكە سايكەس, ۇكىمەتتىڭ وكىلەتتىلىگىن بۇرىنعىداي پرەزيدەنتتىڭ ەمەس, جاڭادان سايلانعان ءماجىلىستىڭ الدىن- دا توقتاتۋ كوزدەلىپ وتىر. سونداي-اق, ۇكىمەت مۇشەلەرىنە پارلامەنت پالا- تالارى تاراپىنان سەنىمسىزدىك ءبىلدىرۋ ءتارتىبى وڭايلاتىلادى.
تاعى ءبىر نازار اۋداراتىن ماسەلە, پرەزيدەنت وكىلەتتىگىنىڭ بەلگىلى ءبىر بولىگىن ۇكىمەتكە بەرۋ. مىسالى, پرەزيدەنتتىڭ قولدانىستاعى اكتىلەردى اۋىستىرۋ نەمەسە توقتاتۋ قۇقىعىن پرەمەر-مينيسترگە, ۇكىمەتكە بەرۋ. بۇرىندارى نارىقتىق ەكونوميكا- نى تەزدەتىپ جۇزەگە اسىرۋ ءۇشىن وسى سياقتى وكىلەتتىكتەر كۇشتى ساياسي ورتالىقتاردىڭ قۇزىرەتىندە بولعان. ۇسىنىلىپ وتىرعان كونستيتۋتسيالىق رە- فورما مەملەكەت ءوزىنىڭ قالىپتاسۋىنىڭ ءبىر كەزەڭىن اياقتاپ, ەندى قىزمەتىنىڭ جاڭا مەحانيزمدەرىن ىسكە قوسقانىن بىلدىرەدى. وسى وزگەرىستەردىڭ اياسىندا پارلامەنتتىڭ ءرولى مەن مارتەبەسى ار- تادى, سونداي-اق, ۇكىمەتتىڭ دەربەستىگى كۇشەيەدى. دەگەنمەن, قازاقستان پرەزيدەنتتىك رەسپۋبليكا جانە ۋنيتارلىق مەملەكەت بولىپ قالا بەرەدى.
بۇل وزگەرىستەر قانداي دا ءبىر ىشكى نەمەسە سىرتقى فاكتورلاردىڭ ىقپال ەتۋىمەن جانە قىسىمىمەن جانە باسقا جاعدايلارعا بايلانىستى قولعا الىنىپ جاتقان جوق. ءبىز ەشكىمنىڭ تاجىريبەسىن كوشىرىپ العامىز جوق. كونستيتۋتسيالىق رەفورمالار ەلىمىزدىڭ بولاشاقتا دامۋى ءۇشىن جاسالىپ وتىر. ەلباسىمىز ساياسي رە- فورمالاردى كەشەندى جانە جۇيەلى تۇردە جۇرگىزۋ قاجەتتىگىن ارقاشان ايتىپ كەلەدى.
مەملەكەت باسشىسى وسىدان ەكى جىل بۇرىن جاريا ەتكەن «100 ناقتى قادام» – ۇلت جوسپارى اياسىندا جۇزەگە اسىرىلا- تىن رەفورمالاردىڭ قاتارىن وسىنداي ساياسي دامۋ باستامالارى دا تولىقتىرىپ وتىر. وسىلايشا, ەلباسىمىز مەملەكەت الدىنا جاڭا ساياسي كۇن ءتارتىبىن ۇسىندى.
ەرلان قارين, پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى