كاسىبىن باستاۋعا كىرىسكەن كاسىپكەر ونى زاڭداستىرۋ ءۇشىن ەڭ الدىمەن تىركەلىپ, جەكە كاسىپكەر كۋالىگىن العان ءجون, وعان شامامەن 20 مىڭ تەڭگە اقشا كەتەدى, دەپ جازادى palata.kz.
تۇرعىلىقتى ايماق بويىنشا سالىق ورگانىنا جەكە كاسىپكەردى تىركەۋگە قويۋ ءۇشىن ارنايى سالىقتىق ءوتىنىش جازىلادى. بۇل ءوتىنىش سالىق ورگانىنا قابىلدانعاننان كەيىنگى ءۇش كۇن ىشىندە جەكە كاسىپكەردى سالىق تولەۋشى رەتىندە تىركەۋ جۇرگىزىلەدى جانە وعان جەكە كاسىپكەر رەتىندە مەملەكەتتىك تىركەۋگە الىنعانى جونىندە ارنايى كۋالىك بەرەدى. كاسىپكەر سالىق ورگانىنا سالىقتىق وتىنىشتەن بولەك جەكە كۋالىگى كوشىرمەسىن, 3,5ح4,5 فوتوسۋرەتىن, دارا كاسىپكەردى مەملەكەتتىك تىركەگەنى ءۇشىن تولەگەن الىم سوماسىن راستايتىن تۇبىرتەك-قۇجات, تۇرعىلىقتى جەرىن راستايتىن قۇجات ۇسىنادى. وسى ارادا ايتا كەتەر جاي, مۇنداي الىم ءبىر رەت تولەنەدى. ونىڭ كولەمى 2 ايلىق ەسەپتىك كورسەتكىش مولشەرىندە ەسەپتەلگەن. بۇل الىمنان شارۋا قوجالىقتارى, فەرمەرلەر مەن I, II, III توپتاعى مۇگەدەك ادامدار, قر ازاماتتىعىن الماعانعا دەيىن كاسىپكەرلىك قىزمەتىن باستاعان ورالماندار بوساتىلعان.
اتالمىش باسقارما ماماندارىنىڭ ايتۋىنشا, كەيبىر جاعدايدا, كاسىپكەرلىك قىزمەتتىڭ ەرەكشەلىكتەرىنە بايلانىستى سالىق ورگانىنا تىركەۋ مەرزىمى 5-11 كۇن ارالىعىندا جۇرگىزىلۋى مۇمكىن. جەكە كاسىپكەرلىكتى مەملەكەتتىك تىركەۋ ءتارتىبى قازاقستان رەسپۋبليكاسىنىڭ «جەكە كاسىپكەرلىك تۋرالى» زاڭىنىڭ 27-بابىندا جان-جاقتى جازىلعان.
2017 جىلدىڭ 1-قاڭتارىنان باستاپ جەكە كاسىپكەرلىكتى اشۋدا وڭ وزگەرىستەر جاسالدى. ەندى جەكە تۇلعالار جەكە كاسىپكەرلىك اشۋ ءۇشىن ءوتىنىش ەمەس, جەكە كاسىپ اشىپ باستاعانى تۋرالى حابارلاما جاساسا بولعانى. اتالمىش حابارلاما كاسىپكەر رەتىندە تىركەلۋدى قامتاماسىز ەتەدى. ەگەر جەكە كاسىپكەرلىك بىرلەسكەن بولسا, وندا كاسىپكەرلىكتىڭ ۋاكىلەتتى وكىلى قالعان مۇشەلەردىڭ قولى بار سەنىمحاتتى كورسەتەدى.
بۇل تىزىمگە سالىق تۇرلەرىن, كەڭسە جالداۋ قۇنىن, ەڭ بولماعاندا 1 قىزمەتكەر جالاقىسى (جەكە كاسىپكەرلىكتە ەڭ بولماعاندا ەسەپشى قاجەت), جارناما ءۇشىن باستاپقى كاپيتال قاجەت.
بلوكنوتتاعى بيزنەس-جوسپار
جەكە بيزنەستى اشۋدا ەڭ ماڭىزدىسى جۇيەلى بيزنەس-جوسپار قۇرۋ. شاعىن كاسىپكەرلىكتە بيزنەس جوسپار ايتارلىقتاي قاجەت ەمەس. الايدا ءار قادام بويىنشا جازىلعان ارەكەت سىزباڭىز بولسا قارجىنى ۇنەمدەۋگە, دۇرىس جۇمساۋعا, ىسىڭىزدەگى جۇيەلىلىككە, بيزنەستى ورگە دوڭگەلەتۋگە سەپتىگىن تيگىزەدى. مەيلى بيزنەس-جوسپارىڭىزدى قاراپايىم بلوكنوتقا جازىپ, كۇنبە كۇن جاساعان ارەكەتتەردى, جۇمسالعان قارجىنى ءتۇرتىپ وتىرىڭىز. ماسەلەن, كاسىپ باستاماق سالانى تەرەڭ زەرتتەپ, بۇگە-شىگەسىنە دەيىن ءبىلۋ, ءار تيىن شىعىنىن ەسەپتەۋ قاجەت. ونسىز بيزنەس جۇرمەيدى.
موتيۆاتسيا مەن القاشقى كاپيتال
جاڭا كاسىپتى باستاۋ, ونى تۇراقتى جۇرگىزۋگە الدىمەن جاتتىعۋ كەرەك. ادەتتەن تىس ەرتە ويانۋ, بارلىعىن قاپەردە ۇستاۋ, سەرىكتەستەرمەن بەلگىلەنگەن ۋاقىتتا كەزدەسۋ, سالىقتار, تولەمدەر مەن جالاقىنى ۋاقىتىندا تولەۋدى داعدىعا اينالدىرۋ كەرەك. العاشقى كاپيتال قاعازباستىلىق, سالىق, ءبىر-ەكى ايعا شامامەن كەتەتىن شىعىندى قوسا ەسەپتەگەندە ارتىعىمەن بولۋى شارت. ولاي بولماعاندا قارىزعا كىرۋ قاۋىپى بار. ال قارىز, نەسيە الۋ جاڭادان قۇرىلىپ كەلە جاتقان بيزنەسكە كەدەرگى, ءتىپتى سوڭى بولۋى مۇمكىن.
جاڭا كاسىپتى ءسۇيۋ قاجەتتى اسپەكت. شابىت پەن قۇلشىنىس ارقىلى جاڭا يدەيالار, قيالدار تۋادى. كۇندەلىكتى موتيۆاتسيا مەن اففيرماتسيالار ءسىزدى كەرەك ارناعا سالادى.
Versus قولدانبالى جەتىستىك اكادەمياسى Vertex كۋرسىنىڭ جەڭىمپازى اتانىپ, Foodtruck بيزنەس-جوباسىنىڭ يەسى دارحان كارىموۆ: «قاي سالادا كاسىپ اشاسىز, قارجىنىڭ كولەمى سوعان بايلانىستى. ال جالپى العاندا, مەنىڭ ويىمشا, قارجىسىز دا كاسىپ اشۋعا بولادى. مىسالى, بەينەروليك تۇسىرەتىن كومپانيا اشۋ ءۇشىن قانداي قارجى كەرەك؟ ەشقانداي. تاپسىرىس الاسىز دا, قاجەتتى مامانداردى جالداپ جۇمىس ىستەي بەرەسىز. تەك جەكە كاسىپكەرلىك رەتىندە تىركەلۋ ءۇشىن عانا اقشا كەرەك. ونىڭ ءوزى كوپ قارجى ەمەس قوي».
ماركەتينگ پەن جارناما
ءبىر قاراعاندا بيزنەس پەن مەديا قۇرالدارى اراسىندا ايتارلىقتاي بايلانىس جوق بولىپ كورىنەدى, الايدا بۇل ولاي ەمەس. ءوزىنىڭ جەكە كاسىپكەرلىگىن باستاعالى وتىرعان ىنتالى ادامعا جارناما, مۋلتيمەديالىق مۇمكىندىكتەر مەن لوگيستيكالىق قۇرالدار اۋاداي قاجەت. جەكە كاسىپكەرلىكتە الەۋمەتتىك جەلىلەردىڭ كومەگىمەن تەگىن جارناما جاساۋعا بولادى.
جارناما قاشاندا بولعان, تەك زامانىنا ساي بەرۋ فورمالارى مەن مازمۇنى اۋىسىپ وتىرعان. سوندىقتان كەز كەلگەن ستارتاپ ءوزىنىڭ لايىقتى اۋديتورياسىن تاۋىپ, ۇلكەن سۇرانىسقا يە بولۋى ءۇشىن كاسىپكەرلەر بەلگىلى ءبىر مەديا پلاتفورمالارىندا ۇتىمدى يننوۆاتسيالىق جولداردى ويلاستىرۋى قاجەت. نارىق قالايتىن ونىمدەردى شىعارۋ ارقىلى ءتيىمدى بيزنەس سالاسىن قۇرۋ وتاندىق جانە شەتەلدىك ساتۋ الاڭىندا سۇبەلى ورىن ەنشىلەيتىنى ءسوزسىز. ءتىپتى قولىڭىزداعى ۇيالى تەلەفون ارقىلى دا جانرامالاۋدى جولعا قويۋعا ابدەن مۇمكىن. اقپاراتتىق-تەحنولوگيالىق اعىمدا مەڭگەرىلگەن كوممۋنيكاتسيالار بۇل ماسەلەلەر شەشىمىن تابادى. ول ءۇشىن ۆەب-جوبالار, وقىلىمدى كونتەنت, جارناما ايماعى قاجەت.
سونىمەن...
سۇيىكتى ىسپەن اينالىسۋ, ۋاقىت پەن قاراجاتقا قوجايىن بولۋ, تابىسقا كەنەلۋ, باي-قۋاتتى ءومىر ءسۇرۋ, ارماندار مەن ماقساتتارعا قول جەتكىزۋ – ءساتتى قۇرىلعان بيزنەستىڭ جەمىسى. كەز كەلگەن بيزنەس اشۋ ءۇشىن قاراجات كەرەك.
كاپيتالىڭىز 100 مىڭ تەڭگە بولسا – قارا بازاردا بەلگىلى ءبىر تاۋاردى الىپ ساتۋعا بولادى. 1 ملن تەڭگەگە فرانشيزا ساتىپ الۋعا بولادى.
كاسىبىڭىزدىڭ كولەمىنە قاراماستان 1:3 فورمۋلاسىن ەستە ساقتاڭىز. ماسەلەن, 100 000 تەڭگە جانە 300 000 تەڭگە. ءبىرىنشى سوما شاعىن بيزنەس اكەلەتىن تازا تابىس بولسا, ەكىنشىسى ورتا ەسەپپەن جەكە كاسىپكەرلىكتى باستاۋ ءۇشىن كەرەك سوما. كاسىپكەرلىكتە ايتارلىقتاي تاجىريبەڭىز جوق بولسا, تاۋەكەلدەردى ازايتۋ ءۇشىن نەعۇرلىم از قارجى كەتەتىن كاسىپ ءتۇرىن تاڭداڭىز. بىلىكسىز بيزنەسكە سوڭعى اقشانى سالۋ – اقىماقتىق.
ءاليا كەمەلبەكوۆا