بۇگىن كوكشەتاۋدا الەۋمەتتىك جاعىنان از قامتىلعان تۇرعىندارعا 1 توننا كارتوپ پەن ءسابىز جانە كيىم-كەشەك تەگىن تاراتىلدى, دەپ حابارلايدى قازاقپارات.
«شاپاعات» حالىقتىق جوباسى اياسىندا قولعا الىنعان قايىرىمدىلىق شاراسىنا جەرگىلىكتى كاسىپكەرلەر مەن قالا تۇرعىندارى دەمەۋشىلىك كومەك كورسەتتى. كاسىپكەرلەر بولگەن 1 توننا كارتوپ پەن ءسابىز, سونداي-اق قالا تۇرعىندارى جيناپ بەرگەن كيىلگەن كيىم-كەشەك الەۋمەتتىك جاعىنان از قامتىلعان وتباسىلارعا جانە جالعىز باستى قاريالارعا ۇلەستىرىلدى.
«وسىنداي يگى ىستەرگە قول ۇشىن سوزىپ وتىرعان كاسىپكەرلەرگە, جانى جومارت ازاماتتارعا العىس بىلدىرەمىز. قايىرىمدىلىقتا شەك جوق, ەندىگى كەزەكتە تەك ازىق-ت ۇلىك پەن كيىم-كەشەك قانا ەمەس, وزگە دە زاتتاي بۇيىمداردى قوسساق دەگەن جوسپارىمىز بار», - دەيدى اكتسيانى ۇيىمداستىرۋشى قكحپ اقمولا وبلىستىق كوميتەتىنىڭ ەكىنشى حاتشىسى رايسا ميحايلوۆنا.