«شامشىراق-اقتوبە» جشس ديرەكتورى بولىپ وتىنشين راۋكەن ساعىزباي ۇلى تاعايىندالدى. سەرىكتەستىك قۇرامىندا ەكى وبلىستىق گازەت بار. ال راۋكەن وتىنشين بۇعان دەيىن «قازاقستان» رترك اقتوبە وبلىستىق فيليالىن باسقارىپ كەلدى, دەپ حابارلادى aktobenews.kz.
«شامشىراق-اقتوبە» جشس ديرەكتورى مەيىرحان اقداۋلەت ۇلى ءوز ەركىمەن جۇمىستان كەتىپ, «ادىرنا» رەسپۋبليكالىق ادەبي جۋرنالىن باسقاراتىن بولدى.
وبلىس اكىمىنىڭ ورىنباسارى ا.شەريازدانوۆ ءوز سوزىندە ر.ءوتىنشيننىڭ ورنىنا «قازاقستان-اقتوبە» تەلەارناسىنىڭ ديرەكتورى بولىپ ەرنۇر بۋراحان تاعايىندالعانىن اتاپ ءوتتى. ال ر.وتىنشين اقتوبە جانە اتىراۋ وبلىستارىنداعى باق سالاسىندا جۇمىس ىستەگەن ەڭبەك تاجىريبەسى ەسەپكە الىنىپ, «شامشىراق-اقتوبە» جشس باسشىسى بولدى.
ر.وتىنشين 1960 جىلى اقتوبە وبلىسىنىڭ بايعانين اۋدانىندا تۋعان. پەداگوگيكالىق جانە زاڭگەرلىك ماماندىعى بار. ەڭبەك جولىن كەڭشاردا باستاپ, كەيىن بايعانين اۋدانىنىڭ كومسومولدىڭ 30 جىلدىعى اتىنداعى ورتا مەكتەپتە ديرەكتورىدىڭ ورىنباسارى بولعان. 1987 جانە 1997 جىلدار ارالىعىندا وبلىستىق «كوممۋنيزم جولى» گازەتىندە جۇمىس ىستەدى. ودان سوڭ, اتىراۋ وبلىسىنىڭ باق سالاسىندا ەڭبەك ەتتى. سوڭعى 10 جىلعا جۋىق ۋاقىت «قازاقستان-اقتوبە» تەلەارناسىن باسقارىپ كەلدى.