يتاليانىڭ گران-ساسسو تاۋىندا ورنالاسقان Rigopiano قوناق ۇيىندە قار كوشكىنىنىڭ سالدارىنان قار قۇرساۋىندا قالعانداردىڭ ءبارى تابىلدى. قۇتقارۋ جۇمىستارى اياقتالدى, دەپ حابارلادى life.ru.
وكىنىشكە وراي, توسىن اپاتتان قازا تاپقانداردىڭ سانى 29-عا جەتتى. ارنايى قۇرىلعان توپ قيراندىلار اراسىنان سوڭعى كۇندەرى ەكى ادامدى ىزدەگەن. بۇگىنگە دەيىن 11 ادام امان شىقتى.
ايتا كەتەيىك, 19 قاڭتار كۇنى جەر سىلكىنىسىنىڭ سالدارىنان Rigopiano قوناق ءۇيى قار كوشكىنىنىڭ استىندا قالعان. مالىمەتتەرگە سايكەس, عيمارات ىشىندە 40 ادام بولعان. ال ىزدەۋ-قۇتقارۋ توبى اۋا رايىنىڭ قولايسىزدىعىنان اپات ورنىنا تەك كەلەسى كۇنى جەتكەن.