قازاقستاندىق بوكسشى گەننادي گولوۆكين بريتانيالىق بيللي دجو سوندەرسپەن ايقاسۋى مۇمكىن ەكەندىگى جونىندە ونىڭ پروموۋتەرى توم لەففلەر مالىمدەدى. بۇل تۋرالى sports.kz حابارلادى.
«شىنىمدى ايتسام, بۇل جەكپە-جەك ازىرگە ءبىزدىڭ جوسپارىمىزدا جوق. دجەيكوبس وڭاي قارسىلاس ەمەس, سوندىقتان گولوۆكيننىڭ بار ويى 18 ناۋرىزداعى بوكس كەشى جايلى. ەگەر ول كۇنى جەڭىسكە جەتسە, ساۋل الۆارەسپەن ورتاق كەلىسىمگە كەلگىمىز كەلەدى», – دەدى لەففلەر.
«ساۋل 6 مامىر كۇنى كەزەكتى ۇرىسىن وتكىزەدى. ال گەنناديدىڭ بار ماقساتى – ورتا ديۆيزيونداعى تيتۋلدارىنىڭ باسىن بىرىكتىرۋ. «كانەلوعا» قارسى جەكپە-جەگى وسىعان دەيىن وتكىزگەندەرىنىڭ ىشىندەگى ەڭ ايتۋلىسى بولار ەدى. ناۋرىز ايىندا ماقساتىمىزعا جەتسەك, سوڭعى بەس جىلدا ارمانداپ جۇرگەن ۇلكەن كەزدەسۋلەر وتكىزۋگە مۇمكىندىگىمىز بولادى دەپ ويلايمىن», – دەدى پروموۋتەر.
ايتا كەتەيىك, بىرەر كۇن بۇرىن بريتانيالىق باق گولوۆكين مەن سوندەرس بيىل استانادا ەكسپو كەزىندە ايقاس وتكىزەتىنىن حابارلاعان بولاتىن.