قازاقستاندىق كاسىپقوي بوكسشى ەرنار ەشەنوۆ 11 ناۋرىزدا گونكونگ قالاسىندا 26 جاستاعى تانزانيالىق يبراگيم ماوكولومەن (11-5-1, 8كو) جۇدىرىقتاسادى. بۇل تۋرالى sports.kz حابارلادى.
«مەنىڭ كەلەسى جەكپە-جەگىم 11 ناۋرىز كۇنى گونكونگ قالاسىنداعى «Hong Kong Convention and Exhibition» ورتالىعىندا وتەدى. بۇل كۇنى مەن ءوز تيتۋلىمدى (WBO نۇسقاسى بويىنشا جاستار اراسىنداعى قۇرلىقارالىق بەلبەۋ) قورعاپ قالۋىم ءتيىس. قىسىقوۆ جاناتتىڭ قول استىندا جاتتىعىپ ءجۇرمىن. ال الداعى كەزدەسۋىمە بايلانىستى «ESKO» كاسىپقوي كلۋبىندا قر سپورت شەبەرى كوۆالچۋك ولەگ اركادەۆيچ دايىنداپ جاتىر», – دەدى ەرنار.
ايتا كەتەيىك, 21 جاستاعى بىلعارى قولعاپ شەبەرى وسىعان دەيىن 5 كەزدەسۋ وتكىزىپ (تورتەۋى نوكاۋت), بارىندە جەڭىسكە جەتكەن.