يراكتىڭ نايناۆا وڭىرىندەگى ءال-كايايرا قالاسىنداعى مۇناي كەن ورىندارى بەس ايدان بەرى ورتەنىپ جاتىر, دەپ جازادى انادولى اگەنتتىگى.
24 تامىز كۇنى "يسلام مەملەكەتى" تەررورشىلارى شەگىنىپ بارا جاتىپ وسى جەردەگى ون كەن ورنىنا ءورت قويىپ كەتكەن.
ءورتتى اۋىزدىقتاۋ ءۇشىن ماماندار جۇمىس ىستەپ جاتىر. ال بۇدان كەلگەن زارداپ ميلليونداعان دوللارعا جەتتى. سونىمەن قاتار ورتەنىپ جاتقان كەن ورىندارى جەرگىلىكتى تۇرعىنداردىڭ دەنساۋلىعىنا دا قاتەر توندىرۋدە.
ورتكە ورانعان 24 كەن ورنىنىڭ 13-ىندە ءورت اۋىزدىقتالسا, تاعى 11 كەن ورنى ءالى ورتەنىپ جاتىر.
North Oil Company كومپانياسى قىزمەتكەرلەرىنىڭ ايتۋىنشا, يراك اسكەرىنەن شەگىنگەن تەررورشىلار كەتىپ بارا جاتىپ شامامەن 30 شاقتى جارىلعىش زات قويىپ كەتكەن.
موسۋلدان 60 شاقىرىم جەردەگى ءال-كايايرا قالاسىندا 70 شاقتى كەن ورنى بار.
2014 جىلى وسى ايماقتى باسىپ العان تەررورشىلار مۇناي ساتىپ ءبىر بايىپ قالعان ەدى.