بۇۇ: يەمەندە اشارشىلىق قاۋپى بار

يەمەندەگى اسكەري قاقتىعىستار ەلدە ءىرى اشارشىلىقتىڭ بولۋىنا سەبەپ قىلۋى مۇمكىن, دەپ مالىمدەدى بۇۇ توتەنشە كومەك ۇيلەستىرۋشىسى ستيۆەن و`برايەن. بۇل تۋرالى BBC جازادى.

قاۋىپسىزدىك كەڭەسىندە ءسوز العان ول 10 ملن-نان استام يەمەندىك ازىق-ت ۇلىك تاپشىلىعىن تارتىپ وتىرعانىن مالىمدەدى. ولاردىڭ كوپشىلىگى اشارشىلىق شەگىندە كورىنەدى. بۇۇ وكىلىنىڭ ايتۋىنشا, 10 ملن-نىڭ 2,2 ملن-ى بالالار. "يەمەندەگى گۋمانيتارلىق جاعداي شيەلەنىسىپ بارادى. اسكەري قاقتىعىس كۇن ساناپ كۇشەيۋدە. سوڭعى اپتانىڭ وزىندە 365 وقيعا تىركەلدى", - دەدى و`برايەن. 2014 جىلدىڭ تامىز ايىنان بەرى يەمەندە ساۋد ارابياسىنىڭ قولداۋىنداعى بيلىك پەن شيتتىك توپ اراسىندا قاقتىعىس تولاستاماي وتىر. وسى ۋاقىت ارالىعىندا ەلدە 7469 ادام قايتىس بولسا, 40 مىڭى جارالانعان.