«اق جول» دەموكراتيالىق پارتياسى دەموكراتيالىق رەفورمالاردى دامىتۋ, بيلىك ورگاندارىنىڭ حالىق الدىنداعى اشىقتىعى مەن ەسەپتىلىگىن قامتاماسىز ەتۋ, پارلامەنتاريزم ۇستانىمدارىن نىعايتۋ جانە پارلامەنت وكىلەتتىكتەرىن كەڭەيتۋدى تاباندىلىقپەن جاقتاپ كەلەدى. بۇل مىندەتتەر پارتيانىڭ ساياسي باعدارلاماسىندا ماڭىزدى باسىمدىقتار رەتىندە بەلگىلەنگەن.
سوندىقتان دا, «اق جول» دەموكراتيالىق پارتياسى بيلىك تارماقتارى اراسىنداعى وكىلەتتىكتەردى قايتا ءبولۋ جونىندەگى قازاقستان رەسپۋبليكاسى پرەزيدەنتىنىڭ ۇندەۋىن قاناعاتتانارلىق سەزىممەن قابىلدادى.
بۇل ۇندەۋىندە ەلباسىمىز نۇرسۇلتان نازارباەۆ تاۋەلسىزدىكتىڭ ءبىرىنشى 25 جىلدىعىنىڭ ساياسي قورىتىندىلارىن شىعاردى, ونىڭ جەتىستىكتەرى مەن جاس مەملەكەتىمىزدىڭ العاشقى قيىندىقتارىن ەڭسەرۋ بيلىكتىڭ كۇشتى پرەزيدەنتتىك تىكەلەي باسقارۋمەن قامتاماسىز ەتىلدى.
قازاقستاننىڭ ۇلتتىق مەملەكەتتىلىگىنىڭ جاڭا تاريحي كەزەڭىنە كىرەردە تۇڭعىش پرەزيدەنت قول جەتكىزىلگەن تابىستارعا سۇيەنە وتىرىپ, قوزعالىسىمىزدىڭ جاڭا باعدارىن ايقىنداۋ داستۇرىنە ادالدىعىن تانىتتى.
ونىڭ قازاقستاننىڭ ودان ءارى قاراي دەموكراتيالانۋىنا قاتىستى كوزقاراسى تەك زاماناۋي بەتالىستار جانە قوعامدىق ۇدەرىستەرگە جاۋاپ بەرىپ قانا قويمايدى, سونىمەن قاتار مەملەكەتتىك باسقارۋدىڭ تۇراقتىلىعىن ساقتايدى جانە پرەزيدەنتتىك جۇيەنىڭ جاڭا فورماتى ارقىلى بيلىك تارماقتارىنىڭ تەڭگەرىمىن قامتاماسىز ەتەدى.
سونىمەن بىرگە, نۇرسۇلتان نازارباەۆتىڭ الەۋمەتتىك-ەكونوميكالىق مىندەتتەردى شەشۋ جونىندە وكىلەتتىكتەردى ۇكىمەتكە بەرۋ; پارلامەنت پەن ۇكىمەتتىڭ ءوزارا ءىس-ارەكەتتەستىگىنىڭ جاڭا قيسىنىن قۇرۋ; مينيسترلەر كابينەتىنىڭ قۇرامىن جاساقتاۋدا جەڭىسكە جەتكەن پارتيانىڭ ايقىنداۋشى ىقپالى, ۇكىمەتتىڭ دەپۋتاتتار الدىنداعى ەسەپتىلىگىن جانە اتقارۋشى ورگاندارعا پارلامەنتتىك باقىلاۋدى كۇشەيتۋ جانە باسقالارى – بۇل باعىتتاردىڭ بارلىعى قازاقستاننىڭ جانە ءبىزدىڭ تاۋەلسىزدىگىمىزدىڭ ودان ارعى تاعدىرىن ونداعان جىلدار بۇرىن ايقىنداۋعا قابىلەتتى كەشەندى پروگرەسسيۆتى كوزقاراستاردىڭ باستامالارى بولىپ تابىلادى.
«اق جول» دەموكراتيالىق پارتياسى دەموكراتيالىق ينستيتۋتتاردىڭ نىعايۋىنا, پارلامەنتاريزمنىڭ دامۋىنا جانە مەملەكەتتىك ورگانداردىڭ حالىق الدىنداعى جاۋاپكەرشىلىگىن كوتەرۋگە باعىتتالعان تۇڭعىش پرەزيدەنتتىڭ تاريحي شەشىمدەرىن پارمەندى تۇردە قولدايتىنىن بىلدىرەدى.
پارلامەنتتىك پارتيا رەتىندە ءبىز ۋاقىت جانە نۇرسۇلتان نازارباەۆتىڭ ساياسي ەرىك-جىگەرى تالاپ ەتكەن بۇل رەفورمالاردى تابىستى ىسكە اسىرۋ ءۇشىن ءوزىمىزدىڭ جەكە جاۋاپكەرشىلىگىمىزدى سەزىنەمىز.
«اق جول» پارتياسىنىڭ جۇزدەگەن مىڭ مۇشەسى جانە ءبىزدىڭ سايلاۋشىلارىمىز ەلباسىنىڭ باستامالارىن تالقىلاۋعا جانە ەگجەي-تەگجەيلى پىسىقتاۋعا, ولاردى ءىس جۇزىنە اسىرۋعا بارىنشا بەلسەندىلىكپەن قاتىساتىندىعىنا سەنىمدىمىز.