الماتىدا وتەتىن XXVIII دۇنيەجۇزىلىك قىسقى ۋنيۆەرسيادانىڭ سالتاناتتى اشىلۋ ءراسىمى 29 قاڭتاردا «الماتى ارەنا» سپورت كەشەنىندە وتەدى. وسىناۋ الەم كوز تىككەن ايتۋلى دودانىڭ ەستافەتالىق الاۋى 25 قاڭتاردا استاناداعى ن.نازارباەۆ ۋنيۆەرسيتەتتە تۇتانىپ, ەندى ەلىمىزدىڭ بارلىق ءوڭىرىن ارالاپ شىعادى.
دۇنيەجۇزىلىك قىسقى ۋنيۆەرسيادا دوداسى ەستافەتالىق الاۋدىڭ جاعىلۋىمەن باستالادى. استانا قالاسىندا جاعىلعان الاۋ ەلىمىزدىڭ 14 وبلىسىن ارالاپ, 29 قاڭتاردا الماتىعا جەتكىزىلەدى.
قىسقى ۋنيۆەرسيادانىڭ ەستافەتالىق الاۋىن ارى-بەرى تاسىمالداۋعا ەلىمىزدەگى ىرگەلى اۆتوحولدينگ سانالاتىن «ۆيراج» اۆتوسالونى ارنايى كولىك ءبولدى. ءار وڭىرگە جەتكىزىلەتىن ەستافەتا الاۋىنىڭ رەسمي اۆتوتاسىمالداۋشىسى بولىپ تانىلعان «ۆيراج» اۆتوحولدينگى وبلىس ورتالىقتارىنا جەتكىزۋگە 60 كولىك ءبولدى.
بىلتىرعى جىلدىڭ جەلتوقسان ايىندا «ۋنيۆەرسيادا-2017» ديرەكتسياسىنىڭ باسشىسى نايل نۋروۆ پەن «ۆيراج» اۆتوحولدينگىنىڭ باس ديرەكتورى ۆلاديمير كوتەلنيكوۆ ارنايى مەموراندۋمعا قول قويىپ, «ۆيراج» كومپانياسى ۋنيۆەرسيادانىڭ رەسمي اۆتوتاسىمالداۋشىسى بولىپ تانىلدى.
كەلىسىمشارت جاساسقاندا «ۋنيۆەرسيادا-2017» ديرەكتسياسىنىڭ باسشىسى نايل نۋروۆ بىلاي دەگەن ەدى: «ەلىمىزدەگى ەڭ ءىرى اۆتوحولدينگ سانالاتىن «ۆيراج» كومپانياسىمەن ءارىپتەستىك ورناتقانىمىزعا قۋانىشتىمىز. اتالعان اۆتوكومپانيانىڭ باسشىلىعى زاماناۋي ۇلگىدەگى اۆتوكولىكتەرىن بەرىپ, ۋنيۆەرسيادا دوداسى كەزىندە تاسىمالداۋ جاعىنان كومەك كورسەتەدى».
«ۆيراج» اۆتوسالونىنىڭ قوعامدىق كولىكتەرى ۋنيۆەرسياداعا قاتىسۋشى ستۋدەنت-سپورتشىلاردى, ارنايى كەلگەن تۋريستەردى, ستۋدەنتتەر سايىسىن تاماشالاۋعا كەلگەن قوناقتاردى تاسىمالدايتىن بولادى.
«ۆيراج» اۆتوكومپانياسىنىڭ باس ديرەكتورى ۆلاديمير كوتەلنيكوۆ ۋنيۆەرسيادا ويىندارىن وتكىزۋ ديرەكتسياسىنىڭ اۆتوتاسىمالداۋ شارۋاسىن «ۆيراجعا» سەنىپ تاپسىرعانى ءۇشىن العىستارىن بىلدىرگەن بولاتىن. «ءبىزدىڭ ەلىمىزدە وسىنداي ايتۋلى دودانىڭ ۇيىمداستىرىلۋى دا زور مارتەبە. قىسقى ۋنيۆەرسيادا ويىندارى كەزىندە سپورتشىلار مەن قالا قوناقتارىن تاسىمالداپ, ەلىمىزدەگى ماڭىزدى دوداعا قولداۋ كورسەتەتىنىمىزگە ماقتانامىز», دەگەن-ءدى ۆلاديمير كوتەلنيكوۆ.
XXVIII قىسقى ۋنيۆەرسيادا ويىندارىنىڭ ەستافەتالىق الاۋىن ۇستاپ ءجۇرۋ, قالا كوشەلەرىمەن شەرۋلەتۋ دە ۇلكەن مەرەكە. «ۋنيۆەرسيادا-2017» ديرەكتسياسىنىڭ باسشىسى نايل نۋروۆ الاۋدى ۇستاپ جۇرۋشىلەردى تاڭداۋدا كوبىنە جاستارعا سەنىم ارتىلعانىن ايتادى.
«حالىقارالىق ماسشتابتاعى دودا بولعاندىقتان قىسقى ۋنيۆەرسيادانىڭ الاۋىن ەلىمىزدىڭ ءار وڭىرىندە الىپ ءجۇرۋ شاراسى دا جوعارى دەڭگەيدە وتكىزىلۋى ءتيىس. ستۋدەنتتەر سايىسى بولعاندىقتان ءار وڭىردە ەستافەتالىق الاۋدى الىپ ءجۇرۋ قۇرمەتىنە نەگىزىنەن جاستار تاڭداپ الىندى. ەڭ الدىمەن جوعارى وقۋ ورنىندا وقۋ ۇزىدىگى اتانىپ, وزگەلەرگە ۇلگى بولا بىلگەن ستۋدەنتتەر, سپورتشىلار, جاس عالىمدار, ونەر, مادەنيەت, رۋحانيات, ەكونوميكا سەكىلدى سالالاردا تالانتىمەن ءتانتى ەتكەن جاستار دا ۋنيۆەرسيادا الاۋىن ۇستاپ ءجۇرۋ قۇرمەتىنە يە بولادى», دەيدى «ۋنيۆەرسيادا-2017» ديرەكتسياسىنىڭ باسشىسى نايل نۋروۆ.
استانا قالاسىندا تۇتاناتىن ۋنيۆەرسيادا الاۋى الماتى قالاسىنا جەتكەنگە دەيىن 22 500 شاقىرىم جول جۇرەدى. 22 500 شاقىرىمنىڭ ىشىندە 200 شاقىرىمىندا ەستافەتالىق الاۋدى ۇستاۋشىلار قالا كوشەلەرىمەن ءجۇرىپ وتەدى.
XXVIII قىسقى ۋنيۆەرسيادا ويىندارىنىڭ جانە ەستافەتالىق الاۋدى الىپ ءجۇرۋ شاراسىنىڭ رەسمي اۆتوتاسىمالداۋشى دەپ تانىلعان «ۆيراج» اۆتوسالونى 14 وبلىسقا 60 قوعامدىق كولىگىن ءبولدى. ەلىمىزدە 17 ديلەرلىك ورتالىعى بار «ۆيراج» حولدينگى ءبولگەن گاز اۆتوكولىكتەرىنە ۋنيۆەرسيادا ويىندارى بەدەرلەنگەن قاعازدار جاپسىرىلىپ, بەزەندىرىلەدى. قوعامدىق كولىكتەردىڭ ۋنيۆەرسيادا ويىندارىندا سپورتشىلار مەن قوناقتاردى تاسىمالدايتىنى سونادايدان ايقىندالادى.
«ۆيراج» اۆتوحولدينگىنىڭ الماتى قالاسىنداعى فيليالى دا قىسقى ۋنيۆەرسيادا ويىندارىنا بولگەن كولىكتەرىنىڭ ساقاداي-ساي ەكەنىن ايتادى. الماتىعا كەلگەن ستۋدەنت-سپورتشىلاردى, تورەشىلەردى, قالا قوناقتارىن تاسىمالداۋعا ارنايى جابدىقتالعان 95 «گازەل Next Citiline» ماركالى اۆتوبۋستار ءبولىندى. 2015 جىلى قۇراستىرىلعان اۆتوبۋستار قالا كوشەلەرىندە جۇرۋگە وتە ىڭعايلى, قالاارالىق قاتىناس كەزىندە دە ادامدارعا ىڭعايلى بولادى دەيدى «ۆيراج» اۆتوحولدينگىنىڭ ماماندارى. قىسقى ۋنيۆەرسيادا ويىندارى كەزىندە تاۋلىك بويى توقتاۋسىز جۇرەتىن «ۆيراجدىڭ» ارنايى بولىنگەن اۆتوبۋستارى سايىسقا قاتىسۋشىلاردى دىتتەگەن جەرىنە مەجەلى ۋاقىتتا جەتكىزەدى.
قىسقى ۋنيۆەرسيادا ويىندارىنىڭ رەسمي اۆتوتاسىمالداۋشىسى «ۆيراج» اۆتوحولدينگى ەلىمىزدەگى اۆتوموبل نارىعىنداعى ىرگەلى ۇجىم سانالادى. گاز برەندىمەن ارنايى تەحنيكا دا قۇراستىرىپ, ساتۋ ارقىلى ەل ەكونوميكاسىنا ەلەۋلى ۇلەسىن قوسىپ كەلەدى.
2006 جىلدان بەرى قاراي اۆتوحولدينگ اۆتوموبيل وندىرىسىنە وراسان ۇلەسىن قوسىپ كەلەدى. «ۆيراج» اۆتوحولدينگىنىڭ جوعارى تەحنولوگيامەن قۇراستىرىلعان جەڭىل, ارنايى كولىكتەر, اۆتوبۋستارى ۇلكەن سۇرانىسقا يە. ماسەلەن, گاز ماركالى اۆتوكولىكتەرىنەن وزگە «گازەل Next Citiline» ماركالى شاعىن اۆتوبۋستارىنا دا قىزىعۋشىلاردىڭ سانى ارتىپ كەلەدى.
ۋنيۆەرسيادا ويىندارى كەزىندە قالا قوناقتارى مەن سايىسقا قاتىسۋشىلاردى تاسىمالدايتىن جانە ەستافەتالىق الاۋدى ءار قالاعا جەتكىزەتىن اۆتوشەرۋدە جۇرەتىن «گازەل Next Citiline» ماركالى كولىگىنە دە سۇرانىس ارتاتىنى بەلگىلى.
ەستافەتا الاۋىن استانا قالاسىنان باستاپ الىپ ءجۇرىپ, 14 وبلىس ورتالىعىن ارالاپ, سوڭىنان الماتى قالاسىنا جەتكىزۋ شارۋاسى دا وڭاي ەمەس. قازىر قىستىڭ كوزى قىراۋ. سولتۇستىك, شىعىس, باتىس وبلىستاردا, ءتىپتى استانا ماڭىندا دا قاقاعان اياز قىسىپ, قاسات قار ادىمىڭدى اشتىرمايدى. مىنە, وسىنداي ايازدى كۇندەرى ەستافەتا الاۋىن الىپ جۇرۋشىلەردىڭ توڭىپ قالماۋى ءۇشىن «ۆيراج» اۆتوكولىكتەرىندە بارلىق جاعداي جاسالعان ەكەن.
ەستافەتالىق الاۋدى الىپ ءجۇرۋشىلەردەن وزگە ەكى اپتا بويى الماتى قالاسىندا ستۋدەنت-سپورتشىلاردى, باپكەرلەردى, مەديتسينا ماماندارىن اتلەتتەر قالاشىعىنان, قوناقۇيلەردەن سپورتتىق سايىستار وتەتىن جەرگە جەتكىزۋ دە «ۆيراج» اۆتوبۋستارى پايدالانىلادى. ەلىمىزدىڭ عانا ەمەس, الەمنىڭ ءار قيىرىنان كەلگەن بۇقارالىق اقپارات قۇرالدارى وكىلدەرىن جارىس وتەتىن سپورتتىق كەشەندەردەن ءباسپاسوز ورتالىعىنا, اتلەتتەر اۋىلىنا تاسىمالداۋ دا «ۆيراج» اۆتوحولدينگىنە تاپسىرىلدى. اۆتوحولدينگ الماتىدا وتەتىن قىسقى ۋنيۆەرسيادا ءۇشىن ارنايى جابدىقتاپ, 98 اۆتوبۋس ءبولدى. «جۇمىلا كوتەرگەن جۇك جەڭىل» دەگەندەي ءححVىىى قىسقى ۋنيۆەرسيادا ويىندارىنىڭ جوعارى دەڭگەيدە ۇيىمداستىرىلىپ, الەم تامساناتىنداي ءوتۋى ءۇشىن اركىم دە ءوز ۇلەسىن قوسۋى كەرەك.
نۇردان كوشىم
الماتى