بۇگىن ارنايى ۇندەۋ جاساعان ەلباسى بيلىك تارماقتارىن قايتا ءبولۋدىڭ قانداي مىندەتتەردى شەشە الاتىنىن اتاپ بەردى.
"جۇمىس توبى جۇمىسىن ارى قاراي جالعاستىرادى. وسى ماسەلەنىڭ بارلىعىن جان-جاقتى قاراستىرىپ, الداعى قوعامدىق تالقىلاۋعا بىرقاتار ۇسىنىستار دايىنداۋى ءتيىس. ۇسىنىلعان باعدارلاما ءۇش ماسەلەنى شەشۋدى قاراستىرادى. بىرىنشىدەن, الداعى كوپتەگەن جىلدار بويىنا ساياسي تۇراقتىلىقتى قامتاماسىز ەتۋ. ەكىنشىدەن, ۇكىمەت پەن پارلامەنتتىڭ ءرولىن كۇشەيتۋ زاماناۋي قاتەرلەرگە جاۋاپ بەرۋدىڭ ءتيىمدى مەحانيزمىن جاسايدى. بۇل باسقارۋ جۇيەسىنىڭ كۇردەلىلەۋ ەكەنى بەلگىلى, الايدا قوعامنىڭ دا قيىنداپ بارا جاتقانىن ەستەن شىعارماعانىمىز ءجون. مەن پرەزيدەنتتىڭ قۇزىرىنا تيەسىلى بىرقاتار وكىلەتتىكتى بەرۋگە ءوز ەركىممەن بارىپ وتىرمىن. جالعىز ماقساتتى – قازىرگىدەن دە ءتيىمدى, تۇراقتى, زاماناۋي باسقارۋ جۇيەسىن قۇرۋدى ماقسات ەتكەندىكتەن وسىنداي قادامعا باردىم. ۇشىنشىدەن, الەمدە مەملەكەتتىك باسقارۋدىڭ ەشقانداي دا امبەباپ ۇلگىسى جوق. ءبارى دە ىزدەنۋ ۇستىندە", دەدى ەلباسى.