"ۇكىمەت بۇرىنعىداي پرەزيدەنت ەمەس, جاڭا سايلانعان ءماجىلىستىڭ الدىندا وكىلەتتىگىن توقتاتقانى دۇرىس دەپ سانايمىن" دەدى بۇگىن حالىققا ۇندەۋ جاريالاۋ بارىسىندا مەملەكەت باسشىسى نۇرسۇلتان نازارباەۆ.
"ۇكىمەت مۇشەلەرىنە پارلامەنت پالاتالارى تاراپىنان سەنىمسىزدىك ءبىلدىرۋ رەتىن دە جەڭىلدەتۋ كەرەك.
بۇل زاڭ شىعارۋشى بيلىكتىڭ اتقارۋشى بيلىكتى باقىلاۋىن كۇشەيتەدى. مەملەكەتتىك باعدارلامالاردى بەكىتۋ قۇقىعىن دا ۇكىمەتكە بەرۋ كەرەك. ءوز كەزەگىندە ول سول ءۇشىن تولىعىمەن جاۋاپتى بولادى.
ۇكىمەتكە ونىڭ قۇرامىنا كىرمەيتىن ورتالىق اتقارۋشى ورگانداردى تاراتىپ, قايتا قۇرۋ قۇقىعى بەرۋگە بولادى.
ال پرەزيدەنت ۇكىمەت پەن پرەمەر-مينيستر اكتىلەرىنىڭ كۇشىن جويۋ قۇقىعىنان باس تارتۋىنا بولادى.
مۇنىڭ بارلىعى اتقارۋشى مەملەكەتتىك ورگانداردىڭ, ولاردىڭ باسقارۋشىلارىنىڭ جاۋاپكەرشىلىگىن ارتتىرىپ, ولارعا قاجەتتى وكىلەتتىكتەردى بەرەدى.
زاڭدىق كۇشى بار پرەزيدەنت جارلىقتارىن شىعارۋ مۇمكىندىگى تۋرالى نورما دا قازىر وزەكتىلىگىنەن ايىرىلدى.
پارلامەنتتىڭ جەرگىلىكتى اتقارۋشى بيلىككە قاتىستى ءرولىن ارتتىرۋ قاراستىرىلادى. سونىمەن قاتار كونستيتۋتسيالىق كەڭەس, سوت جۇيەسى مەن پروكۋراتۋرا قىزمەتىن جەتىلدىرۋ ماسەلەلەرىن قاراستىرۋ تالاپ ەتىلەدى. جانە ءبىزدىڭ كونستيتۋتسيالىق قۇرىلىلىستى بۇلجىتپاۋدىڭ ءسوزسىز كەپىلدىكتەرى قاجەت» دەدى پرەزيدەنت.