اقشانىڭ بۋى قۇندىلىقتار باعامىنان اسىپ ءتۇسىپ جاتاتىنىنا كۇيىنەسىڭ. مۇنىڭ سان-الۋان مىسالىن كورىپ تە ءجۇرمىز. ەتىمىز ۇيرەنىپ كەتكەندەي. «اپىر-اي» دەيمىز دە قويامىز. قوعامدىق ىقپال, پىكىردىڭ ورنىن قۇقىق قورعاۋ ورگاندارى قاشانعى تولتىرار ەكەن. سوعان قاراماستان, جاس تالعامايتىن قىلمىس جاسقانار ەمەس. كۇرەس اياۋسىز ءجۇرىپ جاتىر. ءبىر جاقتى. سوندىقتان, بۇل شىن مانىندەگى جەڭىس ەمەس.
قوعامنىڭ ءۇنى قۇلاققا جەتە بەرمەيتىنىنەن قىلمىستىڭ سيپاتى دا تۇرلەنىپ بارادى. ەندى حالىق تاريحى تۇنىپ تۇرعان بۋرابايداعى ابىلاي حان الاڭىنا اۋىز سالۋشىلار تابىلىپ وتىر. بۇل الاڭنىڭ رۋحاني ومىرىمىزدەگى ماڭىزىن, ۇرپاق تاربيەسىندەگى ورنىن ايتىپ جاتۋدىڭ ءوزى ارتىق. بۇل – ەل تاۋەلسىزدىگىن اسپەتتەۋدەگى ەرەن ەسكەرتكىشتىڭ ءبىرى جانە بىرەگەيى. كوركەم ءوڭىردىڭ تورىندەگى الاڭنىڭ قۇندىلىقتارىن اشىپ كورسەتۋدىڭ تانىمدىق عاجايىپتارى كوڭىل وسىرۋدە. ءوزىمىزدى بىلاي قويىپ, الەمنىڭ بار قيىرىنان كەلىپ جاتاتىن قوناقتار مەن تۋريستەرگە جاسالىپ جاتقان قولايلىلىق ماقتانىش سەزىمىنە بولەيدى. مۇنداعى ءاجىم تاستار مەن ماڭگى جاس قاراعايلاردان تاۋسىلماس سىر توگىلەدى. مۇندا قياناتقا جول جوق.
قيانات جاسالدى. وتكەن جۇمانىڭ سوڭى. الاڭدى سامالاداي جارىققا بولەپ تۇرعان باعانالارداعى ديودتى شامدار ۇرلانعان. شىعىننىڭ قۇنى 900 000 تەڭگەگە باعالانۋدا. قىلمىسكەر ايحاي دەيتىن 25 جاستا. جالعىز بولماۋى دا ءمۇمكىن. ولاردى اۋىر جازا كۇتىپ تۇر. ءماسەلە, مۇندا دا ەمەس. ابىلاي حان الاڭىنىڭ شامى ەشقاشان سونبەيدى.
باقبەرگەن امالبەك,
«ەگەمەن قازاقستان»
اقمولا وبلىسى,
بۋراباي اۋدانى