استانا اكىمى اسەت يسەكەشەۆ ەتنومادەني بىرلەستىكتەردىڭ باسشىلارىمەن كەزدەستى. ول مەملەكەتتىك ەتنوساياساتتى جۇزەگە اسىرۋ بارىسىمەن تانىسىپ, قازاقستان حالقى اسسامبلەياسى وكىلدەرىنىڭ ۇسىنىستارى مەن پىكىرلەرىن تىڭدادى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.
ءوز كەزەگىندە, قالا باسشىسى بيىل الەمدىك دەڭگەيدەگى ەكسپو-2017 كورمەسى وتەتىنىن اتاپ كورسەتتى. ونىڭ مادەني باعدارلاماسىنىڭ شەڭبەرىندە قازاقستان حالقى اسسامبلەياسىنىڭ قاتىسۋىمەن كوپتەگەن كونتسەرتتىك, كورمە جانە ديالوگ الاڭدارى جوسپارلانىپ وتىر.
«سول سەبەپتى ەتنومادەني بىرلەستىكتەردىڭ ناتيجەلى جۇمىس ىستەۋى ءۇشىن بارلىق جاعداي جاسالادى», – دەدى ءا.يسەكەشەۆ.
سونداي-اق, كەزدەسۋ بارىسىندا اكىم ەتنومادەني بىرلەستىكتەردىڭ وكىلدەرىن بەلسەندى قايىرىمدىلىق قىزمەتى ءۇشىن العىس حاتتارمەن ماراپاتتادى. قالالىق قحا الەۋەتىن نىعايتۋ جانە ونىڭ قىزمەتىنىڭ تيىمدىلىگىن قامتاماسىز ەتۋ ماقساتىندا 2014 جىلى اكىمدىكتىڭ جانىنان «قوعامدىق كەلىسىم» كمم قۇرىلدى. استانا قالاسىنىڭ قازاقستان حالقى اسسامبلەياسىنىڭ قۇرامىندا 23 ەتنومادەني بىرلەستىك, 12 جەكسەنبىلىك مەكتەپ, 10 جاستار قاناتى, 30-دان اسا شىعارماشىلىق ۇجىم قىزمەت ەتەدى. جالپى, قالالىق اسسامبلەيانىڭ قاتارىندا 5 مىڭنان اسا ادام بار, سونداي-اق 5 قوعامدىق كەلىسىم كەڭەسى, عىلىمي-ساراپشى توپ, انالار كەڭەسى جۇمىس ىستەيدى.