الماتىداعى ۋنيۆەرسياداعا موڭعوليا ەلىنەن 15 ادام, سونىڭ ىشىندە 10 سپورتشى جانە 5 رەسمي تۇلعا كەلەدى, دەپ حابارلايدى قازاقپارات.
ۋنيۆەرسيادانىڭ ءباسپاسوز قىزمەتى حابارلاعانداي, قۇراماعا ەنگەن سپورتشىلار شاڭعىمەن جۇگىرۋ جانە كونكيمەن جۇگىرۋ سپورتىندا ويىن كورسەتەدى.
قىسقى ۋنيۆەرسيادا ويىندارىندا موڭعوليا جالاۋىن سوچيدەگى وليمپيادا ويىندارىنا قاتىسقان چينباتىن وتگونتسەتسەگ كوتەرىپ شىعادى. موڭعوليا دەلەگاتسياسىنىڭ باسشىسى جانە موڭعوليا ستۋدەنتتىك سپورت وداعىنىڭ اتقارۋشى ديرەكتورى چ. ەردەنەتۋياا موڭعوليا قۇراماسىنىڭ باستى ماقساتى مەدال الۋ ەمەس ەكەنىن, كەرىسىنشە, سپورتشىلارىنىڭ جەكە كورسەتكىشتەرىن جاقسارتۋدى كوزدەپ وتىرعانىن اتاپ ءوتتى.
ايتا كەتەيىك, موڭعوليا قىسقى ستۋدەنتتىك ويىندارعا 1991 جىلدان باستاپ قاتىسىپ كەلەدى.