«ەگەمەن قازاقستان» رگ» اق توراعاسى دارحان قىدىرالى گازەتتىڭ الماتىداعى تىلشىلەر قوسىنىندا بولىپ, باسىلىمدا 1975 جىلدان بەرى تابان اۋدارماي قىزمەت ىستەپ كەلە جاتقان «قازاقستان رەسپۋبليكاسى اقپارات ءىسىنىڭ ۇزدىگى», قازاقستان جۋرناليستەر وداعى سىيلىعىنىڭ يەگەرى گۇلزەينەپ سادىرقىزىنىڭ ء(ابدىراحمانوۆا) زاڭدى ەڭبەك دەمالىسىنا شىعۋىنا بايلانىستى «ماقتاۋ گراموتاسىن» تاپسىرىپ, يىعىنا كامزول جاپتى. قالامى قارىمدى ءجۋرناليستىڭ وراسان ەڭبەك تاجىريبەسى جاڭا بۋىنعا ۇلگى ەكەنىن, بولاشاقتا دا الماتى قوسىنىنداعى ارىپتەستەرىمەن شىعارماشىلىق بايلانىستىڭ ۇزىلمەيتىنىن ايتتى.
ارداگەر ءجۋرناليستىڭ تالعات ءسۇيىنباي, ساپارباي پارمانقۇلوۆ, ايناش ەسالي سياقتى ارىپتەستەرى گۇلزەينەپ سادىرقىزىنىڭ وزىنە ءتان جازۋ ەرەكشەلىگى مەن شەبەرلىك وي-ورام تامسىلدەرى, جالپى ادامي-ازاماتتىق قاسيەتتەرى تۋرالى جىلى-جىلى پىكىرلەرىن ورتاعا سالدى.
باسىلىم باسشىلىعىنا, ۇزەڭگىلەس ارىپتەستەرىنە اقجارما كوڭىلدەن العىسىن جاۋدىرعان قالامگەر, انا, قايراتكەر گۇلزەينەپ سادىرقىزى 100 جىلعا جۋىق عۇمىرى بار باس گازەتتىڭ سوڭعى كەزەڭدە تۇبەگەيلى وزگەرگەن بولمىسى مەن ءپىشىمىن باسىلىمنىڭ قۇرامىندا ءجۇرىپ 42 جىل ماڭداي تەرىن توككەن جاناشىر-جۋرناليست رەتىندە وتە جىلى قابىلداعانىن ايتتى. قازاق ءباسپاسوزىنىڭ قارا شاڭىراعى, ەل گازەتى «ەگەمەن قازاقستاننىڭ» شىعارماشىلىق جولدا ەجەلگى تاريحي داستۇرگە ساي ءاردايىم دا العى شەپتە جۇرەتىنىنە سەنىممەن قارايتىنىن جۇرەك تولقىنىسىمەن جەتكىزدى.