وسىدان ءۇش جىل بۇرىن اتاقتى تولە ءبيدىڭ شاپانى تابىلىپ, ونىڭ مۋزەيگە الىنعانى تۋرالى اقپارات ءازىرلەپ بەرگەنىمىزدە, «فەيسبۋكتاعى» قۇرداستارىمىزدىڭ ءبىرى ءازىلدەپ, «باراحولكادان ساتىپ العانداي جاپ-جاڭا ەكەن» دەپ جازىپ ەدى. مىنە, ۇلتتىق مۋزەيدە تۇرعان قۇندى جادىگەرلەردىڭ «ءتۇپنۇسقالارىن» دا وقىرماندارعا ۇسىنامىز.
بۇل سوناۋ ءحVىىى عاسىردان جەتكەن جادىگەر. اتاقتى ابىلاي حاننىڭ شاپانى. قىزىل كۇرەڭ ءتۇستى پ ۇلىشتەن, ىشكىلىگى جىبەك ماتادان تىگىلگەن. الدىڭعى ەكى ءوڭىر, ارتقى بوي, ەكى جەڭ, تىك جاعادان تۇرادى. الدى اشىق جەلبەگەي, قاۋسىرمالى, قولتىق استىنان باستاپ ەتەك جاعىنا دەيىن ۇشكىلدەنىپ قيىلعان. شاپاننىڭ جاعاسى, ءوڭىرى, جەڭ جيەكتەرىندە التىن جىپپەن ەكى قاتار سىزىق جۇرگىزىلىپ, ورتاسىنا «تولقىن» ءتارىزدى ورنەكتەر بەينەلەنگەن. ىشكى سىزىقتى بويلاي شىرماۋىق گۇل ۇلگىسىندە ويۋ سالىنعان.
«ۇلتتىق مۇراجايدىڭ قازاقستان تاريحى زالىندا تۇرعان بۇل قۇندى مۇرانى 2006 جىلى حامزە ءساتجان ۇلى – «نازارباەۆ ورتالىعىنا» امانات ەتىپ تاپسىرعان ەكەن. حامزە ءساتجان ۇلى – ابىلاي حاننىڭ سەگىز ءبيىنىڭ ءبىرى جانە حان كەڭەسىنىڭ مۇشەسى بايدالى بەكەش ۇلىنىڭ تىكەلەي ۇرپاعى. مەملەكەت جانە قوعام قايراتكەرى مىرزاتاي جولداسبەكوۆ جانە جازۋشى اقسەلەۋ سەيدىمبەك اعالارىمىزدىڭ باستاماسىمەن مۋزەيگە الىنعان بۇل جادىگەر قازىرگى كۇنى حالىقتىڭ مۇراسىنا اينالدى», دەيدى ۇلتتىق مۇراجايدىڭ قازاقستان تاريحى ءبولىمىنىڭ عىلىمي قىزمەتكەرى روزا كەنجەبەكوۆا.
«شەشەندىك ءسوزدەر» اتتى كىتاپتا (قۇراستىرىپ, العىسوزىن جازعان ب.ادامباەۆ. الماتى. 1967) حان ابىلايدىڭ شاپانى مۇرا بولىپ ءۋالي حانعا اۋىسقانى, ءۋالي حان قايتقان سوڭ, ءبايبىشەسى ايعانىم ونى بايدالى بيگە تارتۋ ەتكەنى تۋرالى دەرەك بار.
شاپاندى قايتا جاڭعىرتۋدان وتكىزگەن شەبەر تۇرسىنكۇل جايلاۋباەۆا.
ايگۇل سەيىلوۆا,
«ەگەمەن قازاقستان»
سۋرەتتەردى تۇسىرگەن
ورىنباي بالمۇرات,
«ەگەمەن قازاقستان»