جىل باسىنان بەرى استانا تۇرعىندارىنىڭ سانى ارتتى. بۇل تۋرالى ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا قر ءىىم كوشى-قون پوليتسياسى دەپارتامەنتىنىڭ ەرەكشە تاپسىرمالار جونىندەگى اعا ينسپەكتورى ءنۇلميرا اليايدارقىزى ايتتى.
«زاڭناما كۇشىنە ەنگەننەن بەرى استانادا بۇگىندە 73 105 ازامات تىركەلگەن, ونىڭ ىشىندە تۇراقتى تىركەلگەنى - 24 109, ال ۋاقىتشا تىركەلگەندەر - 48 996. الماتى قالاسىنا توقتالاتىن بولساق, جالپى 94 416 ادام تىركەلىپ, سونىڭ 23 106-ءى تۇراقتى تىركەلگەندەر, 71 310-ى ۋاقىتشا تىركەۋگە تۇرعاندار», - گ. اليايدارقىزى.
ءوز كەزەگىندە قر ءىىم كوشى-قون پوليتسياسى دەپارتامەنتىنىڭ باسشىسى سەرىك سايىنوۆ جالپى بيىلعى قاڭتار ايىنداعى ەكى اپتانىڭ ىشىندە قازاقستان بويىشا 250 مىڭ ادام تىركەۋدەن وتكەنىن ايتتى.
«بۇل رەتتە پاتەر يەلەرى دە, جالعا الۋشىلار بۇل زاڭناما تارتىپتەرىنە تۇسىنىستىكپەن قاراپ, ءتيىستى قادامداردى جاساپ وتىر», - دەدى دەپارتامەنت باسشىسى.