بىشكەك ماڭىندا قۇلاعان «بوينگ -747» ۇشاعىنىڭ قارا جاشىگىنەن قاجەتتى مالىمەتتەر الىندى, دەپ حابارلايدى قازاقپارات.
قىرعىزستاننىڭ كولىك جانە جول مينيسترلىگىنىڭ ءباسپاسوز قىزمەتىنىڭ حابارلاۋىنشا, جاشىكتەردەگى اقپارات مەملەكەتارالىق اۆياتسيا كوميتەتى تەرگەۋ جۇمىستارىن اياقتاعاننان كەيىن جاريالانادى.
«قازىرگى تاڭدا ۇشاقتىڭ سىنىقتارى اۋەجايدىڭ ۇشاق تۇراعىنا ورنالاستىرىلۋدا. قولداعى بار بولشەكتەردەن بوينگتىڭ ماكەتى جاسالىنادى. قالدىقتاردىڭ جارتىسى قوسىمشا ساراپتاما جاساۋ ءۇشىن جانە اپاتتىڭ سەبەبىن انىقتاۋ ءۇشىن اقش-قا جىبەرىلەدى», - دەپ ءتۇسىندىردى مينيسترلىكتە.
ەسكە سالا كەتەيىك, 16 قاڭتار كۇنى ساعات تاڭعى 7.31-دە بىشكەكتىڭ داچا-سۋ اۋىلىندا اۋەجايعا جاقىن جەردە گونكونگتەن تۇركياعا بەت العان Boeing-747 جۇك ۇشاعى قۇلادى. اپات سالدارىنان 38 ادام مەرت بولدى.