وتكەن جۇما كۇنى نارىقتاعى مۇناي باعاسى ءسال كوتەرىلدى. وعان سەبەپ ەكسپورتتاۋشى ەلدەردىڭ وپەك+ كەلىسىمى بويىنشا قىسقارتىلۋى ءتيىس كولەمنىڭ ويداعىداي ساقتالۋى, دەپ جازادى investing باسىلىمى.
وتكەن اپتانىڭ سوڭعى ساۋدا كۇنىندە لوندون قور بيرجاسىندا ناۋرىزعا ارنالعان مۇناي فيۋچەرسى 55,45 دوللارعا دەيىن قىمباتتادى. ال جالپى اپتا ىشىندەگى قىمباتتاۋ دەڭگەيى شامامەن 0,04 دوللاردى قۇرايدى.
سونىمەن قاتار داۆوستا ساۋد ارابياسىنىڭ ەنەرگەتيكا ءمينيسترى حاليد ءال-فاليحتىڭ جاساعان بايانداماسى دا قارا التىن باعاسىنا وڭ اسەر ەتتى. ول قازىردىڭ وزىندە الەم بويىنشا تاۋلىگىنە ءوندىرىس كولەمىنىڭ 1,5 ملن باررەلگە ازايعانىن ايتقان بولاتىن. ناتيجەسىندە نارىقتاعى جاعداي تۇراقتالا باستادى.
دەگەنمەن, اقش-تىڭ بۇرعىلاۋ قۇرىلعىلارىنىڭ سانى تۋرالى جاڭارتىلعان مالىمەتتەن كەيىن باعا قايتا قۇبىلا باستادى.
وسى اپتادا مۇناي باعاسىنا اسەر ەتۋشى نەگىزگى فاكتورلار اقش-تان جەتەتىن مالىمەتتەرگە بايلانىستى بولماق.
سەيسەنبى كۇنى حالىقارالىق ەنەرگەتيكا اگەنتتىگى اقش مۇنايىنىڭ ەكسپورت كولەمىن جاريالايدى.
ال سارسەنبى كۇنى اقش ەنەرگەتيكا مينيسترلىگى ەلدەگى مۇناي مەن جانارماي كولەمى تۋرالى جاڭالىقپەن بولىسەدى.
بەيسەنبى كۇنى اقش تابيعي گاز قورىنىڭ كولەمى بەلگىلى بولسا, جۇمادا Baker Hughes كومپانياسى اقش-تا جۇمىس ىستەپ تۇرعان بۇرعىلاۋ قۇرىلعىلارىنىڭ سانىن جاريالايدى.