استانا پروتسەسى – قازاقستان ديپلوماتياسى ءۇشىن ايتۋلى وقيعا. استانا ءوزىن بەيبىت رەتتەۋدىڭ ارالىق كەزەڭى ءۇشىن الاڭقاي رەتىندە ۇسىنىپ قانا قويماي, اسا ماڭىزدى جانە شەتىن حالىقارالىق پروبلەمالار بويىنشا كەلىسسوزدەر وتكىزەتىن بالامالى تەتىك تۇرعىسىنان ءوزىنىڭ ءرولىن ارتتىرۋعا مۇمكىندىك الىپ وتىر.
قازاقستان ۇنقاتىسۋ باستاماشىلارىمەن دە جانە باتىستاعى ارىپتەستەرىمەن دە ءتيىمدى ىنتىماقتاسا وتىرىپ, تەڭدەستىرىلگەن كوپجاقتى سىرتقى ساياسات جۇرگىزىپ كەلە جاتقانىنىڭ ارقاسىندا وسىنداي قۇقىققا ءوز ەڭبەگىمەن قول جەتكىزە الدى. جانە دە مۇنى بىرقاتار كۇردەلى ماسەلەلەر بويىنشا ۋاعدالاستىققا قول جەتكىزۋ تۇرعىسىنان استانانى كونسترۋكتيۆتى الاڭ رەتىندە كورسەتە العان پرەزيدەنت نۇرسۇلتان نازارباەۆتىڭ ۇلكەن ساياسي بەدەلىنىڭ دە ناتيجەسى دەۋىمىز كەرەك.
سيرياارالىق كەلىسسوزدەرمەن بايلانىستى حالىقارالىق نازاردىڭ كەزەكتى مارتە نىسانى بولعان قازاقستان ءوزىنىڭ الەمدىك ساياساتقا وڭ ىقپال ەتۋگە قابىلەتتى بەيبىتسۇيگىش مەملەكەت رەتىندەگى ءيميدجىن ايعاقتاپ وتىر.
اناستاسيا رەشەتنياك,
پرەزيدەنت جانىنداعى قازاقستاننىڭ ستراتەگيالىق زەرتتەۋلەر ينستيتۋتى
سىرتقى ساياسات جانە حالىقارالىق قاۋىپسىزدىك ءبولىمىنىڭ عىلىمي قىزمەتكەرى