كوكشەتاۋ جاميعاتىنىڭ تار مەشىتتە عيبادات ەتىپ كەلە جاتقانىنا ءبىر جارىم عاسىردان استى. وتكەن جىلدان باستاپ وسى ءبىر تۇيتكىلدىڭ ورنىن تولتىرۋ ماقساتىندا جاڭا مەشىتتىڭ ورنى بەلگىلەنىپ, قۇرىلىسى باستالىپ تا كەتكەن. ونىڭ ىرگەتاسىن قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي, شەيح ءابساتتار قاجى دەربىسالى قالاپ, ەل-جۇرتتىڭ نامىس وتىن مازداتىپ جىبەرگەن. قازىر ناۋان حازىرەت اتىنداعى جاڭا مەشىتتىڭ مۇنارالارى بيىكتەپ قالدى.
ءۇمىت كۇتەر ۇممەت بارىن بەرىپ جاتىر. ايتكەنمەن, قازىرگى زاماننىڭ قارقىنى قارجىعا بايلانىستى بولىپ قالعاندىقتان, كىدىرىس, كىبىرتىكتەۋ دە ورىن العانىن جاسىرعان ءجون ەمەس. وسىندايدا جومارتتىق تانىتىپ, جولىمىزدى كەڭەيتىپ تاستايتىن ازاماتتاردىڭ بوي كورسەتۋى عانيبەت. كوكشەتاۋ مەشىتى كوكشەلىكتەردىكى عانا ەمەس, امبەنىڭ ءمىناجات ورنى ەكەندىگىن وسىندايدا اڭعارىپ, حالىقتىق قاسيەتىمىزگە تاۋبە ەتكەن دە ءسۇيىنىشتى. ولاي دەيتىنىمىز, كۇنى كەشە قازاقستان پارلامەنتى سەناتى مەن ءماجىلىسىنىڭ دەپۋتاتتارى سەرىك اياعانوۆ, ناتاليا گەللەرت, امانجول جازين, سۆەتلانا جالماعامبەتوۆا, جەكسەنباي دۇيسەباەۆ, ءۋاليحان قوڭىرباەۆ, ەگور كاپپەل, ۆالەري كوتوۆيچ جانە باۋىرجان سمايىلوۆ بىرلەسىپ, اللا ءۇيىنىڭ قۇرىلىسىنا 1 ميلليون تەڭگە قارجى اۋداردى.
حالىق قالاۋلىلارى يماندىلىق جولىنا ۇيعارىلعان اقشا قاراجاتىنىڭ تۇبىرتەگىن «كوكشەتاۋ» مادەنيەت سارايىندا مۇحاممەد (س.ع.س.) پايعامبارىمىزدىڭ تۋعان ايى – ءماۋلىت مەرەكەسى تويلانعان سالتاناتتا جەرگىلىكتى يمامعا تابىس ەتتى. جۇرتشىلىق پارلامەنت قابىرعاسىندا ەلىمىزدىڭ يگىلىك, مۇددەسى ءۇشىن ايانباي قىزمەت ەتىپ جۇرگەن دەپۋتاتتارعا «اللا رازى بولسىن!» ايتۋدا. پايعامبارىمىزدىڭ حاديسىندە: «كىم ماعان ءبىر رەت سالاۋات ايتسا, اللا تاعالا وعان ون رەت راحمەت جولدايدى, ونىڭ ون كۇناسى كەشىرىلىپ, ون دارەجەسى كوتەرىلەدى», دەلىنگەن. ەندەشە, باس كوتەرەر ازاماتتارىمىزدىڭ باستاماسى باياندى بولعاي.
باقبەرگەن امالبەك.
اقمولا وبلىسى.