اۆتوكولىك ساۋداسىنا ماماندانعان Focus2move كونسالتينگتىك فيرماسى 2016 جىلعى كولىك نارىعىنىڭ قورىتىندىسىن شىعاردى.
باسىلىمنىڭ مالىمەتىنشە, ءتىزىمنىڭ كوش باسىنداعى Volkswagen Group كومپانياسى وتكەن جىلمەن سالىستىرعاندا ساۋداسىن 1,4 پايىزعا ۇلعايتىپ, 2016 جىلى 10 ملن 102 مىڭ كولىك ساتقان.
ەكىنشى ورىندا Toyota Motor. جاپوننىڭ اۆتوكونتسەرنى بىلتىر 9 ملن 947 مىڭ اۆتوكولىك ساتقان ەكەن. ال ءۇشىنشى ورىندا Renault-Nissan اليانسى, وعان نارىقتاعى 8,513 ملن تۇتىنۋشى تيەسىلى.
ءتورتىنشى ورىندا Hyundai-Kia ماركالى كولىگىنە تيەسىلى (8,176 ملن). ۇزدىك بەستىكتى General Motors (7,972 ملن) كومپانياسى تۇيىندەيدى.
سونىمەن قاتار ۇزدىك وندىققا Ford (6,296 ملن), Honda (4,907 ملن), Fiat Chrysler Automobiles (4,864 ملن), PSA Peugeot Citroen (3,248 ملن) جانە Suzuki (2,856 ملن) كومپانيالارى كىرەدى.
ەستەرىڭىزگە سالا كەتەيىك, 2015 جىلى ءتىزىمنىڭ باسىنان Toyota Motor كومپانياسى كورىنگەن ەدى.