مۇناي ەكسپورتتاۋشى ەلدەر ۇيىمى (وپەك) باس حاتشىسى مۇحاممەد سانۋسي باركيندونى The Daily اتتى افريكالىق عالامتور ءباسپاسوزى 2016 جىلعى "جىل ادامى" دەگەن اتقا لايىق دەپ تاپتى.
باسىلىمنىڭ مالىمەتىنشە, شيكىزاتتىق داعدارىستىڭ كەزىندە الەم ەلدەرىنىڭ ەكونوميكاسىن العا سۇيرەۋگە باركيندونىڭ قوسقان ۇلەسى وراسان.
2016 جىلدىڭ باسىنداعى مۇناي باعاسىن 30 دوللاردان جىل سوڭىندا 55 دوللارعا دەيىن كوتەرگەنى ءۇشىن مۇناي ەكسپورتتاۋشى ەلدەر باركيندونىڭ ەڭبەگىن جوعارى باعالايدى.
"2016 جىلدىڭ 1 تامىزىندا وسى لاۋازىمعا كەلگەنىنەن كەيىن شيكىزات نارىعى تىڭ سەرپىن الدى," - دەپ جازادى باسىلىم.
ەستەرىڭىزگە سالا كەتەيىك, وتكەن جىلدىڭ سوڭىندا وپەك+ ەلدەرى (ۇيىمعا مۇشە جانە مۇشە ەمەس مەملەكەتتەر) 2008 جىلدان بەرگى ءىرى تاريحي قۇجاتقا قول قويىپ, بيىلدان باستاپ مۇناي ءوندىرىسى كولەمىن تاۋلىگىنە 1,8 ملن باررەلگە ازايتۋعا كەلىسكەن ەدى.