پارلامەنت ءماجىلىسىنىڭ دەپۋتاتتارى ابزال ەراليەۆ, باقىتبەك سماعۇل, گەننادي شيپوۆسكيح, بالايىم كەسەباەۆا جانە ءاليا ساپاروۆا قىزىلوردا وبلىسىندا جۇمىس ساپارىمەن ءجۇر.
«نۇر وتان» پارتياسى وبلىستىق فيليالىنداعى بريفينگ بارىسىندا دەپۋتات باقىتبەك سماعۇل ەلىمىزدىڭ جەتىستىگىنە سۇبەلى ۇلەس قوسىپ وتىرعان سىر ەلىنىڭ ايتارلىقتاي تابىستارىن اتاپ ءوتتى. بالايىم كەسەباەۆا التىنشى سايلانعان ءماجىلىستىڭ ەكىنشى سەسسياسىندا 66 زاڭ جوباسى قارالىپ, ونىڭ 34-ءى ماقۇلدانىپ, سەناتقا جىبەرىلگەنىن مالىمدەدى. سونداي-اق, ابزال ەراليەۆ جۇمىس ساپارىنىڭ نەگىزى پارلامەنت پالاتالارىنىڭ بىرلەسكەن وتىرىسىندا قابىلدانعان قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان دەكلاراتسيا مەن ەلىمىزدىڭ الداعى كۇنگى دامۋ جولىن ايقىندايتىن 5 ينستيتۋتتىق رەفورما جانە وسى رەفورمانى جۇزەگە اسىرۋعا سەپتەسەتىن «100 ناقتى قادام» ۇلت جوسپارى تۋرالى تۇسىندىرمە جۇمىستارىن جۇرگىزۋ بولىپ تابىلاتىنىن ايتتى.
ايتا كەتۋ كەرەك, دەپۋتاتتاردىڭ سايلاۋشىلارمەن كەزدەسۋى قاڭتار ايىنىڭ 13-ىنە دەيىن جالعاسىپ, بۇل ۇدەرىس وبلىس, اۋدان ورتالىقتارىمەن قاتار, شاعىن قالالار, اۋىلدار مەن شالعاي ەلدى مەكەندەردى دە قامتيتىن بولادى. ءماجىلىس دەپۋتاتتارىنىڭ وسى ۋاقىت ارالىعىندا ازاماتتاردى قابىلداپ, وندىرىستىك جانە الەۋمەتتىك-مادەني نىسانداردا بولۋى جوسپارلانعان.
ەرجان بايتىلەس,
«ەگەمەن قازاقستان»
قىزىلوردا وبلىسى