اتموسفەرالىق اعىمداردىڭ وتۋىنە بايلانىستى سەنبى كۇنى اۋا رايى تۇراقسىز بولادى. كەي جەرلەردا قار جاۋىپ, ەلدىڭ وڭتۇستىگىندە, وڭتۇستىك-شىعىسىندا, شىعىستا جانە وڭتۇستىك باتىستا قار جاۋمايدى. كەي جەرلەردە تۇمان ءتۇسىپ, كوكتايعاق بولىپ, بۇرقاسىنداتىپ جەل كۇشەيەدى, دەپ حابارلايدى «قازگيدرومەت» رمك.
سولتۇستىك قازاقستان وبلىسىنىڭ كەي جەرلەرىندە بۇرقاسىن بولىپ, تۇمان تۇسەدى, جەل سەكۋندىنا 15-20 مەترگە دەيىن كۇشەيەدى. كۇندىز ەلدىڭ باسىم بولىگىندە جەلدىڭ ەكپىنى سەكۋندىنا 15-20 مەتر بولادى. كەيدە 23 مەترگە دەيىن بارادى.
قوستاناي وبلىسىنىڭ بىرقاتار ايماقتارىندا بۇرقاسىن بولىپ, تۇمان ءتۇسىپ, كوكتايعاق بولادى. جەلدىڭ كۇشى سەكۋندىنا 15-20 مەترگە جەتەدى.
باتىس قازاقستان وبلىسىنىڭ كەي جەرلەرىندە تۇمان ءتۇسىپ, كوكتايعاق بولىپ, جەل سەكۋندىنا 15-20 مەتر جىلدامدىقپەن سوعادى.
قىزىلوردا, اتىراۋ وبلىستارىندا تۇمان ءتۇسىپ, كوكتايعاق بولىپ, كۇندىز جەلدىڭ كۇشى 15-20 مەتر/سەكۋند بولادى.
جامبىل, اقتوبە وبلىستارىنىڭ بىرقاتار ايماقتارىندا تۇمان ءتۇسىپ, جەلدىڭ كۇشى سەكۋندىنا 15-20 مەترگە جەتەدى.
پاۆلودار, وڭتۇستىك قازاقستان وبلىستارىنىڭ ايماقتارىندا تۇمان ءتۇسىپ, كۇندىز جەلدىڭ ەكپىنى سەكۋندىنا 15-20 مەتر بولادى.
قاراعاندى, الماتى وبلىستارىندا كەي جەرلەردە تۇمان تۇسەدى.
ماڭعىستاۋ وبلىسىندا كەي جەرلەردە جەلدىڭ ەكپىنى سەكۋندىنا 15-20 مەترگە دەيىن جەتەدى جانە قۇمدى بوران بولادى.
شىعىس قازاقستان وبلىسىندا كەي جەرلەردە تۇمان ءتۇسىپ, قالادا كوكتايعاق بولادى.