قازاق كۇرەسىنەن بولاتىن "ەۋرازيا بارىسى" حالىقارالىق ءتۋرنيرىنىڭ جالپى جۇلدە قورى 20 ملن. تەڭگەنى قۇرايدى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگ بارىسىندا بەلگىلى بولدى.
«جالپى جۇلدە قورى 20 ملن. تەڭگەنى قۇرايدى. ءبىرىنشى ورىن العان بالۋانعا 10 ميلليون, ەكىنشى ورىنعا 6 ميلليون, ءۇشىنشى ورىنعا 4 ميلليون تەڭگە بەرىلەدى", - دەدى قازاق كۇرەسى فەدەراتسياسىنىڭ ۆيتسە-پرەزيدەنتى سارسەن قۇرانبەك
تۋرنير 1 جەلتوقسان كۇنى ءتورتىنشى رەت وتكىزىلەدى. وعان گرۋزيا, موڭعوليا, پولشا, رەسەي, تاجىكستان, وزبەكستان, قازاقستان قاتىسادى. ال "قازاقستان بارىسى" قازاق كۇرەسىن دامىتۋ قورىنىڭ توراعاسى ارمان شۋراەۆتىڭ ايتۋىنشا, جارىستى تىكەلەي ەفيردە تەك قازاقستاندىق قانا ەمەس, رەسەيلىك جانە تۇرىك تەلەارنالارى كورسەتەتىن بولادى.