جامبىل وبلىسىنىڭ اكىمى ىشكى ىستەر دەپارتامەنتىنە 83 قىزمەتتىك اۆتوكولىكتىڭ كىلتىن تابىس ەتتى, دەپ حابارلادى جامبىل وبلىسى اكىمىنىڭ ءباسپاسوز قىزمەتى.
جامبىل وبلىسىنىڭ اكىمى كارىم ناسبەك ۇلى كوكرەكباەۆ ءسوز سويلەپ, سۋ جاڭا ارنايى قىزمەتتىك 83 اۆتوكولىكتىڭ كىلتىن تاپسىردى. وبلىس اكىمىنىڭ قولىنان كىلت العان پوليتسيا قىزمەتكەرى ءوز كەزەگىندە قازاقستان رەسپۋبليكاسىنا قىزمەت ەتۋگە انت بەردى.
-قۇرىلعانىنا 10 ايدان استام ۋاقىت ىشىندە جەرگىلىكتى پوليتسيا قىزمەتى ءوزىنىڭ مىندەتتەرىن ءتيىستى دەڭگەيدە اتقارىپ, وبلىستىڭ كريمينوگەندىك جاعدايىن جاقسارتۋعا ءوز ۇلەستەرىن قوسۋدا. اعىمداعى جىلدىڭ ون ايىندا وبلىستا تىركەلگەن قىلمىستىق قۇقىق بۇزۋشىلىقتاردىڭ سانى 11 پايىزعا تومەندەدى. بۇگىن تاپسىرعالى وتىرعان اۆتوكولىكتەر دە قىلمىسپەن كۇرەسۋ شارالارىن جەتىلدىرۋگە ءوز ۇلەسىن قوساتىنىنا سەنىمدىمىن, - دەدى ايماق باسشىسى.
كەلەسى كەزەكتە ءسوز سويلەگەن ىشكى ىستەر دەپارتامەنتىنىڭ باستىعى پوليتسيا گەنەرال-مايورى تلەگەن سوۆەت ۇلى ماتكەنوۆ: «بۇگىن جامبىلدىق پوليتسەيلەر ءۇشىن عانا ەمەس, بارلىق وبلىس تۇرعىندارى ءۇشىن قۋانىشتى جايت ورىن الدى. سەبەبى, ماتەريالدىق-تەحنيكالىق بازانىڭ جاقسارۋى ايماق تۇرعىندارىنىڭ مۇددەسى ءۇشىن قىلمىسپەن كۇرەسۋدە قوعامعا تيىمدىرەك قىزمەت ەتۋگە سەپتىگىن تيگىزەدى. جامبىلدىق پوليتسەيلەردىڭ ساپالى قىزمەت اتقارۋى ىسىندە وبلىستىق اكىمدىك باعا جەتپەس كومەك كورسەتتى ءارى كورسەتىپ كەلەدى. بۇگىنگى زاماناۋي اۆتوكولىكتەردىڭ تابىس ەتىلۋى – وسىنىڭ ايقىن ءبىر دالەلى. ىشكى ىستەر ورگاندارىنىڭ قىزمەتكەرلەرىنە قولداۋ جاساۋ ماسەلەلەرىنە كوڭىل بولگەنىڭىز ءۇشىن, كارىم ناسبەك ۇلى, سىزگە شىنايى العىسىمدى بىلدىرگىم كەلەدى – دەي كەلە, وبلىس پوليتسەيلەرىنىڭ قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋدە بارلىق كۇش-جىگەرىن سالىپ ەڭبەك ەتەتىنىن جەتكىزدى.