قازاقستان تاۋەلسىزدىگىنىڭ 25-جىلدىعىنا وراي «نازارباەۆ ورتالىعىندا» قازاقستان رەسپۋبليكاسى تۇڭعىش پرەزيدەنتى قورىنىڭ ۇزدىك قازاقتىلدى ينتەرنەت-سايت سىيلىعىن تاعايىنداۋ ءراسىمى بولىپ ءوتتى, دەپ حابارلايدى inform.kz.
بايقاۋ ماقساتى – ينتەرنەت جۇيەسىندەگى ۇزدىك قازاقتىلدى رەسۋرستاردى انىقتاۋ مەن ناسيحاتتاۋعا, اقپاراتتىق رەسۋرستار مەن سەرۆيستەردىڭ سانى مەن ساپاسىن ارتتىرۋعا, جەلى قولدانۋشىلارىنىڭ قىزىعۋشىلىعىن ۇلعايتۋعا, اقپارات كەڭىستىگىندە قازاق ءتىلىنىڭ قولدانىس اياسىن كەڭەيتۋگە جانە ۇزدىكتەردىڭ تانىمالدىلىعىن كوتەرۋگە ىقپال ەتۋ.
سىيلىق قۇرىلتايشىسى – قازاقستان رەسپۋبليكاسى تۇڭعىش پرەزيدەنتى - ەلباسى قورى. بايقاۋ وتكىزۋدەگى سەرىكتەسى مەن ۇيىمداستىرۋشى – مەملەكەتتىك ءتىلدى دامىتۋ قورى.
رەسپۋبليكانىڭ بارلىق ايماقتارىنان 30-دان استام ءوتىنىم ءتۇسىپ, مەملەكەتتىك تىلدە اقپارات تاراتاتىن ۇكىمەتتىك ەمەس, تاۋەلسىز قوعامدىق سايتتار قاتىستى.
بايقاۋ كوميسسياسى 7 اتالىم بويىنشا جەڭىمپازداردى انىقتادى:
«وتكىر ءتىل» – قازاق ءتىلىن جانە ۇلتتىق قۇندىلىقتاردى ناسيحاتتاۋشى ۇزدىك سايت اتالىمى بويىنشا www.qazaquni.kz پورتالى;
«رۋحاني ازىق» – قازاق ادەبيەتى مەن مادەنيەتىن ناسيحاتتاۋشى ۇزدىك سايت اتالىمى بويىنشا www.qasym.kz پورتالى;
«تەرەڭ ىزدەنىس» – قازاق ەلىنىڭ تاريحىن ناسيحاتتاۋشى ۇزدىك سايت اتالىمى بويىنشا www.kazmuseum.kz سايتى;
«شىنايى ءومىر» - قوعامداعى وزەكتى ماسەلەلەردى تالقىلايتىن ۇزدىك سايت اتالىمى بويىنشا www.tobyl-torgai.kz سايتى;
«سپورت تىنىسى» – سالاۋاتتى ءومىر سالتى مەن سپورتتى ناسيحاتتاۋشى ۇزدىك سايت اتالىمى بويىنشا www.dodasport.kz سايتى;
«ءبىلىم بۇلاعى» – ءبىلىم بەرەتىن ۇزدىك سايت اتالىمى بويىنشا www.martebe.kz سايتى;
«جاستار الەمى» – جاستار تاقىرىبىنا ارنالعان ۇزدىك سايت اتالىمى بويىنشا www.massaget.kz پورتالى.
جەڭىمپازدارعا قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ ديپلومدارى مەن اقشالاي سىيلىق تاپسىرىلدى.