بيىل جىلۋ جىلداعىدان ەرتە بەرىلە باستادى, وعان اۋا رايىنىڭ كەنەت سۋىتۋى سەبەپ بولدى. بۇعان دەيىن الەۋمەتتىك نىساندارداعى جەكە قازاندىقتار ىسكە قوسىلسىن دەگەن وكىم شىعارعان شىمكەنت قالاسىنىڭ باسشىسى 18 قازان كۇنى ساعاتىنا 160 گيگاكولوريا جىلۋ وندىرەتىن قازاندىقتاردى ىسكە قوسۋعا تاپسىرما بەردى, دەپ حابارلايدى otyrar.kz.
قالا اكىمىنىڭ 14 قازانداعى ۇكىمىنە ساي قالاداعى 331 الەۋمەتىك نىسان تولىعىمەن جەكە قازاندىقتارىن ىسكە قوسقان, ونىڭ 121-ءسى - ءبىلىم مەكەمەسى. تۇرلان ەلدىمەكەنىندەگى №54 قازاندىق ىسكە قوسىلسا, تاعى ءبىر مەكتەپ پەن ەكى بالاباقشاعا جىلۋ بەرىلدى. سونداي-اق, ءنۇرسات شاعىناۋدانىنداعى ساعاتىنا 160 گيگاكولوريا جىلۋ وندىرەتىن قازاندىقتان اكىمشىلىك-ىسكەرلىك ورتالىعىنداعى 32 كوپ قاباتتى ءۇيدىڭ 24-ءى جىلۋعا قوسىلدى.
بۇدان بولەك, سپورت شاعىناۋدانىنداعى - №24, قاتىن كوپىر ەلدىمەكەنىندەگى №49 جانە تەرىسكەي شاعىناۋدانىنداعى №3 قازاندىقتى دا ىسكە قوسۋ جوسپارى بار. شىمكەنتتەگى ورتالىق جۇيەدەن جىلۋ الاتىن 1 400-دەن استام كوپ قاباتتى ءۇي تۇرعىندارىنا جىلۋ 25 قازانان كەيىن عانا بەرىلە باستايدى. بۇل جايىندا قالا اكىمىنىڭ ورىنباسارى بەيسەنبەك جانبوسىنوۆ مالىمدەدى. ونىڭ ايتۋىنشا, بۇگىننەن باستاپ وزدەرى جىلۋ وندىرۋگە مۇمكىندىگى بار شاعىن قازاندىقتاردى ىسكە قوسۋ باستالدى. بۇل قازاندىقتاردان 350 كوپ قاباتتى ءۇي جىلۋ الاتىن بولادى. ال 3-ەنەرگوورتالىقتان جىلىناتىندار كۇتە تۇرۋى كەرەك. بۇگىنگى تاڭدا اتالمىش ەنەرگوورتالىق جۇمىس جاساۋعا كىرىستى. ەندى جۇيەلەردى سۋمەن تولتىرۋ جۇمىستارى بار.