ءبىلىم بەرۋ – قاشاندا وزەكتىلىگى ورتايماي, ۋاقىت وتكەن سايىن دامىپ, داعدىلانا تۇسەتىن كۇردەلى ماسەلە. ءبىزدىڭ ءومىر ءسۇرىپ جاتقان ءداۋىرىمىز – ءبىلىم مەن عىلىمنىڭ ءداۋىرى. ءبىلىم بەرۋ ىسىندە ءتۇرلى تەحنولوگيالار مەن جاڭعىرتۋ باعدارلامالارى كۇن وتكەن سايىن زاماناۋي تۇرگە يە بولۋدا.
بۇگىنگى تاڭدا ءبىزدىڭ ەلىمىزدە جاستاردىڭ تاڭداعان ماماندىعى بويىنشا ءبىلىم الىپ, قالاعان سالادا ەڭبەك ەتۋىنە مول مۇمكىندىكتەرى بار. جاستاردىڭ بويىندا ءبىلىم الۋعا دەگەن قۇشتارلىعىن وياتىپ, ءبىلىم نارىمەن سۋسىنداتىپ كەلە جاتقان وقۋ ورىندارىنىڭ ءبىرى – 33 جىل تاريحى بار ماڭعىستاۋ گۋمانيتارلىق كوللەدجى.
ماڭعىستاۋ گۋمانيتارلىق كوللەدجى ءوز قىزمەتىن ۋاقىتپەن ۇندەس جۇرگىزىپ كەلەدى دەۋىمىزگە بولادى. كوللەدج – وبلىستىق ءبىلىم باسقارماسىمەن تىعىز بايلانىس ورناتا وتىرىپ, تەحنيكالىق جانە كاسىپتىك ءبىلىم بەرۋ باعدارلاماسىنا سايكەس ورتا بۋىن دەڭگەيىندەگى مامانداردى دايارلايتىن ءبىلىم وشاعى. وقۋ ورداسىندا باستاۋىش ءبىلىم بەرۋ, شەتەل تىلىنەن باستاۋىش ءبىلىم بەرۋ مۇعالىمى, دەنە تاربيەسى جانە سپورت, مەكتەپكە دەيىنگى تاربيە جانە ءبىلىم بەرۋ ماماندىقتارى بويىنشا 930 ستۋدەنت ءبىلىم الۋدا.
ەلىمىزدىڭ قوعامدىق ءومىرى مەن عىلىمىنا, ەكونوميكانىڭ ماڭىزدى باعىتتارىنىڭ قارقىندى دامۋ ماسەلەلەرىن شەشۋگە باعىتتالعان زاماناۋي, باسەكەگە قابىلەتتى مامان بۋىنىن قالىپتاستىرۋدى ماقسات تۇتقان, م.وتەباەۆ باسقاراتىن كوللەدج ۇجىمىنىڭ جەتكەن جەتىستىكتەرى دە از ەمەس. ديرەكتوردىڭ وقۋ ءىسى جونىندەگى ورىنباسارى گ.ەشپانوۆا, ديرەكتوردىڭ تاربيە ءىسى جونىندەگى ورىنباسارى س.سارمالاەۆا, ديرەكتوردىڭ وقۋ-وندىرىستىك جۇمىستارى ءجونىندەگى ورىنباسارى ك.نۇرمۇحامبەتوۆا, ديرەكتوردىڭ وقۋ-ادىستەمەلىك ءىسى جونىندەگى ورىنباسارى ن.قايبولديەۆا ءوز قىزمەتتەرىن ۇلكەن جاۋاپكەرشىلىكپەن اتقارۋدا.
ورتاق ماقسات, ءبىر مۇددە جولىنداعى ۇلكەن ۇجىمنىڭ تابىستارىندا وقۋ ورنىنىڭ بارلىق وقىتۋشىلارىنىڭ دا قوسىپ وتىرعان ۇلەستەرى بار. جەكە تۇلعانىڭ دامۋىنا ىقپال ەتىپ, وسكەلەڭ ۇرپاقتىڭ اقىل-پاراساتىنا ازىق بولا ءبىلۋ ءۇشىن سانالى تاربيە بەرۋدى ءوز مىندەتتەرى دەپ سانايتىن 70 وقىتۋشى بۇگىنگى تاڭدا كوللەدج وقۋشىلارىنا ءبىلىم بەرۋدە.
وقىتۋشىلاردىڭ پەداگوگيكالىق شەبەرلىكتەرىن ارتتىرۋ ماقساتىندا شىعارماشىلىق ساباقتار, تاجىريبە الماسۋ باعىتىندا سەمينار-پراكتيكۋمدار دا ۇنەمى وتكىزىلىپ تۇرادى.كوللەدج ينتەرنەت جەلىسىنە قوسىلعان ينتەراكتيۆتى تاقتامەن جۇمىس ىستەيدى. ەلەكتروندى وقىتۋ, بەينە, اۋديو, مۋلتيمەديا تەحنولوگياسى مەن ولاردىڭ ءارتۇرلى كومبيناتسيالارى ەنگىزىلىپ قولدانىلۋدا.
كوللەدج ستۋدەنتتەرى ماشىقتانۋ بارىسىندا وزدەرىنىڭ العان بىلىمدەرىن پراكتيكا ۋاقىتىندا ۇشتاستىرىپ, ءتۇرلى تاقىرىپتاردا ءىس-شارالار ۇيىمداستىرۋ ارقىلى بىلىمدەرىن ارتتىرۋدا.
ۇستاز – ۇلاعاتتى ماماندىق. شاكىرتتەرىن ءبىلىم نارىمەن سۋسىنداتىپ, ءتالىم-تاربيە بەرۋ, جاقسى قاسيەتتەردى بويىنا دارىتىپ, ادامگەرشىلىك رۋحتا باعىت-باعدار بەرۋدە ۇستازدىڭ ەڭبەگى زور.
ماحاببات شادىمۇراتوۆا,
ماڭعىستاۋ گۋمانيتارلىق كوللەدجىنىڭ وقىتۋشىسى
اقتاۋ