«وكم وپەراتورى» جشس 21 قاراشادان باستاپ قازاقستاننىڭ 17 قالاسىندا وتەماقى تولەي وتىرىپ, ەسكى كولىكتەردى قابىلداي باستايدى. بۇل تۋرالى بۇگىن اتالعان كومپانيانىڭ باسقارۋشى ديرەكتورى رۇستەم تەمىربەك ءمالىم ەتتى, دەپ حابارلايدى قازاقپارات.
«بارلىق جايتتى ەنەرگەتيكا مينيسترلىگىمەن ناقتى كەلىسكەننەن كەيىن ءبىز بۇل باعدارلامانى ىسكە قوسامىز. جالپى, ءبىز 21 قاراشادان باستاپ ونى ىسكە قوسۋعا ءازىرمىز», - دەدى ول.
ونىڭ ايتۋىنشا, باعدارلامانى جۇزەگە اسىرۋ بارىسىندا 10 مىڭ ەسكى كولىك جويۋعا قابىلدانادى دەپ كۇتىلۋدە. جويۋعا تاپسىرىلاتىن كولىكتەر ەكى سانات بويىنشا قابىلدانادى. تولىق جيناقتا ەسكى كولىگىن تاپسىرعاندار 150 مىڭ تەڭگە السا, كولىك شاناعى, ەسىگى, قوزعالتقىشى بەرىلىس قورابى مىندەتتى تۇردە بار, بىراق جۇرمەيتىن كولىكتەرگە 48 مىڭ تەڭگە بەرىلەدى. جوبانى ىسكە اسىرۋ ءۇشىن 2016 جىلى «وكم وپەراتورى» جشس-ىنا بولىنگەن جالپى اقشا سوماسى - 1 ميلليارد 250 مىڭ تەڭگە.
باعدارلاماعا قاتىساتىن جەكە تۇلعالارعا مىناداي قۇجاتتار قاجەت: باعدارلاماعا قاتىسۋ تۋرالى ءوتىنىش (وندا ءتاا, سين, بيك جانە ەسەپشوت ءنومىرى مىندەتتى تۇردە كورسەتىلۋى ءتيىس), ەسكى كولىكتى جويۋعا تاپسىرۋ ءۇشىن ءىىم ورگانىنان تىركەۋدەن شىعارۋ تۋرالى انىقتاما, ءوتىنىش بەرۋشىنىڭ سەنىمحاتى (كولىك يەسى بولماعان جاعدايدا), كولىك يەسىنىڭ نەمەسە سەنىم بىلدىرگەن ادامنىڭ جەكە كۋالىگى, ەسەپشوت جونىندەگى انىقتاما, توزىعى جەتكەن ەسكى كولىكتى جويۋعا تاپسىرۋ تۋرالى كەلىسىم.
ال ەسكى كولىكتى جويۋعا تاپسىراتىن زاڭدى تۇلعالارى جانە ونىڭ اتىنان ارەكەت ەتەتىن سەنىمدى تۇلعا مەملەكەتتىك تىركەۋدە تۇرعاندىعى جونىندە قوسىمشا انىقتاما دايىنداۋى كەرەك.