كەشە استانادا قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى تالعات دوناقوۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى قۇقىقتىق ساياسات جونىندەگى كەڭەستىڭ وتىرىسى ءوتتى.
وتىرىستا جاڭا قىلمىستىق-اتقارۋ كودەكسىنىڭ قولدانۋ پراكتيكاسىنىڭ ماسەلەلەرى جانە قىلمىستىق-اتقارۋ جۇيەسى مەن پروباتسيانى جەتىلدىرۋ جونىندەگى شارالار قاراستىرىلدى.
وسىمەن بىرگە, وتىرىستا جاڭا ازاماتتىق پروتسەستىك كودەكستىڭ قولدانۋ پراكتيكاسى مەن بەس ساتىلى سوت جۇيەسىنەن ءۇشبۋىندى سوت تورەلىگى جۇيەسىنە اۋىسۋ ماسەلەلەرى تالقىلاندى. اتالعان ماسەلەلەر بويىنشا ىشكى ىستەر مينيسترلىگى مەن جوعارعى سوتتىڭ اقپاراتتارى تىڭدالدى.
وتكىزىلگەن قۇقىقتىق ساياسات جونىندەگى كەڭەس وتىرىسىنىڭ ۇسىنىمدارى قازاقستان رەسپۋبليكاسىنىڭ زاڭناماسىن جانە قۇقىق قولدانۋ قىزمەتىن ءارى قاراي جەتىلدىرۋ بارىسىندا ەسكەرىلەتىن بولادى.
قازاقستان رەسپۋبليكاسى پرەزيدەنتىنىڭ
اكىمشىلىگى مەملەكەتتىك قۇقىق ءبولىمى