ورتالىق كوممۋنيكاتسيالار قىزمەتىندە جۋرناليستەر اراسىندا وتكىزىلىپ جاتقان ۇلتتىق «سامعاۋ» بايقاۋىنىڭ ارالىق قورىتىندىسىنا ارنالعان ءباسپاسوز جيىنى ءوتتى.
شاراعا باس رەداكتورلار كلۋبىنىڭ پرەزيدەنتى بيبىگۇل جەكسەنباي, بايقاۋدىڭ باس دەمەۋشىسى «AllurAuto Astana» اۆتوكومپانياسى ديلەرلىك ورتالىعىنىڭ اتقارۋشى ديرەكتورى شىڭعىس سەيسەمبينوۆ, «حالىق ماركاسى» قازاقستاندىق تاۋارلار مەن قىزمەتتەردىڭ ساپاسىن باقىلاۋ جۇيەسى فەدەراتسياسىنىڭ پرەزيدەنتى ريمما تاجىباەۆا قاتىستى.
جيىن بارىسىندا بيبىگۇل جەكسەنباي بايقاۋعا 74 جۇمىس تۇسكەنىن باياندادى. بۇل جۇمىستاردى بەلگىلى قوعام قايراتكەرلەرىنەن تۇراتىن ارنايى كوميسسيا باعالايتىنىن جەتكىزدى. ال «حالىق ماركاسى» فەدەراتسياسىنىڭ پرەزيدەنتى ريمما تاجىباەۆا بايقاۋ قورىتىندىسى بويىنشا ەڭ ۇزدىك 16 ايماق جۋرناليستەرىنە دۇنيەجۇزىنىڭ 12 ەلىنە جولداما بەرۋ جوسپارلانىپ وتىرعانىن مالىمدەدى. ياعني, رەسەي, گرۋزيا, ارمەنيا, ازەربايجان, ۋكراينا, تايلاند, ەگيپەت, قىتاي, تۇركيا, ءباا, ءۇندىستان مەملەكەتتەرىنە 2017 جىلدىڭ اقپان مەن مامىر ايى ارالىعىندا ساۋدا-ساتتىق ميسسياسىمەن جول جۇرەتىن تاۋاروندىرۋشىلەر قاتارىنا جۋرناليستەر دە كىرەتىنىن جەتكىزدى. ر.تاجىباەۆانىڭ ايتۋىنشا, ساۋدا-ساتتىق ميسسياسى ەكسپو-2017 كورمەسىن ناسيحاتتاۋعا باعىتتالعان شارا.
ايتا كەتەيىك, بيىلعى «سامعاۋ» بايقاۋى ەل تاۋەلسىزدىگىنىڭ 25 جىلدىعىنا وراي 25 تامىز بەن 10 جەلتوقسان ارالىعىندا وتكىزىلۋدە. بايقاۋ قورىتىندىسى جەلتوقسان ايىندا جاريالانادى. جۇلدە قورى – جەتى اتالىم بويىنشا 10 ميلليون تەڭگە. سونىڭ ىشىندە باس جۇلدە – «حالىق ماركاسى» بەلگىسىن العان, ايگىلى برەند Jac S3 اۆتوكولىگى.
ايگۇل سەيىلوۆا,
«ەگەمەن قازاقستان»