استانا قالاسىندا جاقىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسىندا قازاقستان مەن رەسەي اراسىنداعى ءحىىى ايماقارالىق ىنتىماقتاستىق فورۋمى اياسىندا جاستارعا قاتىستى وزەكتى ماسەلەلەرگە بايلانىستى حالىقارالىق عىلىمي-تاجىريبەلىك كونفەرەنتسيا ءوتتى.
ونىڭ جۇمىسىنا وتاندىق جانە شەتەلدىك عالىمدار, عىلىمي-زەرتتەۋ ينستيتۋتتارىنىڭ, وقۋ ورىندارىنىڭ, قوعامدىق بىرلەستىكتەر مەن حالىقارالىق ۇيىمداردىڭ وكىلدەرى قاتىستى.
ءىس-شارا بارىسىندا ءبىلىم بەرۋ جۇيەسى, كاسىپكەرلىكتى دامىتۋ, جۇمىس ورىندارىمەن قامتاماسىز ەتۋ مەن قولجەتىمدى باسپانا سىندى قازاقستانداعى جاستار پروبلەمالارى تالقىلاندى. سونىمەن قاتار, جاستار ساياساتىن دامىتۋداعى باستى باعىتتارعا بايلانىستى ءبىرقاتار ماڭىزدى شەشىمدەر قابىلداندى.
كونفەرەنتسيا اياسىندا «جاستار» عىلىمي-تانىمدىق ورتالىعى مەن جاستار ساياساتى جانە حالىقارالىق قاتىناستار ينستيتۋتى فەدەرالدىق مەملەكەتتىك ءبىلىم بەرۋ مەكەمەسى – ماسكەۋ تەحنولوگيالىق ۋنيۆەرسيتەتى, قازاقستان ستۋدەنتتەر اليانسى مەن بۇكىلرەسەيلىك ستۋدەنتتەر وداعى جانە «جاسىل ەل» جاستار ەڭبەك جاساعى مەن رەسەيلىك ستۋدەنتتەر جاساعى اراسىندا مەموراندۋمعا قول قويىلدى.
كونفەرەنتسيا ءبىلىم جانە عىلىم مينيسترلىگى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى جانە «جاستار» عىلىمي-تانىمدىق ورتالىعىمەن بىرلەسىپ ۇيىمداستىرىلدى.