نۇرسۇلتان نازارباەۆ انتونيۋ گۋتەرريشكە بىرىككەن ۇلتتار ۇيىمىنىڭ باس حاتشىسى لاۋازىمىنا سايلانۋىنا بايلانىستى قۇتتىقتاۋ جەدەلحاتىن جولدادى دەپ حابارلايدى اقوردانىڭ ءباسپاسوز قىزمەتى.
جەدەلحاتتا داۋىس بەرۋ ناتيجەلەرى ۇيىمعا مۇشە ەلدەردىڭ ا.گۋتەرريشكە دەگەن زور سەنىمىن كورسەتكەنى اتاپ وتىلگەن.
«بۇگىندە ءبىزدىڭ الدىمىزدا تۇرعان ەلەۋلى سىن-قاتەرلەردى ەسكەرسەك, بۇل سەنىم ۆوتۋمىنىڭ ماڭىزدىلىعى ەرەكشە. تەرروريزم جانە ەكسترەميزمگە قارسى كۇرەسۋ, ورتالىق ازيا مەن اۋعانستانداعى قاۋىپسىزدىكتى قامتاماسىز ەتۋ, سونداي-اق يادرولىق قارۋدى تاراتپاۋ – بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەسى رەتىندەگى قازاقستاننىڭ قىزمەتىنىڭ باستى ماسەلەلەرى. بۇل باعىتتا بەلسەندى تۇردە جەمىستى ىنتىماقتاستىق ورناتامىز دەپ ۇمىتتەنەمىن», – دەلىنگەن جەدەلحاتتا.
سوڭىندا قازاقستان پرەزيدەنتى نۇرسۇلتان نازارباەۆ ا.گۋتەرريشكە جاۋاپتى قىزمەتىندە تابىس تىلەپ, ەلىمىزدىڭ بۇۇ-مەن ءتيىمدى ءوزارا ءىس-قيمىلى ودان ءارى جالعاسا بەرەتىنىنە سەنىم ءبىلدىردى.