Samsung Electronics ءىرى وڭتۇستىككورەيالىق ەلەكترونيكا كومپانياسىنىڭ باسشىلىعى 2016 جىلدىڭ ءتورتىنشى توقسانىندا جانە 2017 جىلدىڭ ءبىرىنشى توقسانىندا Galaxy Note 7 سمارتفونىنىڭ ساتىلىمىن توقتاتۋدان 3 ترلن. ۆون نەمەسە 3 ملرد. اقش دوللارى كولەمىندە شىعىنعا ۇشىرايتىندىعىن ءمالىم ەتتى.
بۇل تۋرالى كومپانيا تاراتقان ءباسپاسوز مالىمدەمەسىندە ايتىلعان, دەپ حابارلايدى «تاسس» اگەنتتىگى.
كومپانيا سمارتفون نارىعىنداعى احۋالدى Galaxy S7 جانە Galaxy S7 edge جاڭا ۇلگىلەرىن شىعارۋمەن تۇراقتاندىرۋعا نيەتتى.
«Samsung كومپانياسى اككۋمۋلياتور باتارەياسىمەن بولعان پروبلەمالار ءۇشىن نارىقتان قايتارىپ الۋعا تۋرا كەلگەن Galaxy Note 7 سمارتفونىنىڭ ءساتسىز دەبيۋتىنە بايلانىستى قىرۋار شىعىنعا باتىپ وتىر. كومپانيا 2 قىركۇيەك كۇنى ساتىلىمداردىڭ توقتاتىلعانىن مالىمدەپ, اقاۋلاردى جويعاننان كەيىن ولاردى 1 قازان كۇنى قايتا نارىققا شىعاردى. دەگەنمەن, بار-جوعى 10 كۇننەن كەيىن كورپوراتسيا باسشىلىعى «قاۋىپسىزدىك تۇرعىسىنان» اتالمىش سمارتفونداردىڭ ءوندىرىسى تولىعىمەن توقتاتىلعانىن جاريا ەتتى. ايتا كەتەيىك, Galaxy Note 7 امەريكالىق Apple كومپانياسىنىڭ iPhone 7 سمارتفونىنا باسەكەلەستىك تۋدىرادى دەگەن نيەتپەن شىعارىلعان بولاتىن