14 قازان كۇنى رەسپۋبليكانىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى جاۋىن-شاشىن جاۋادى, تۇندە وڭتۇستىك-شىعىستا كەي جەرلەردە قاتتى جاۋىن-شاشىن كۇتىلەدى.
جەكەلەگەن ايماقتاردا تۇمان, كوكتايعاق, 15-20 م/س ەكپىندە جەل بولادى, دەپ حابارلايدى قازاقپارات «قازگيدرومەتكە» سىلتەمە جاساپ.
ماسەلەن, قوستاناي, سولتۇستىك-قازاقستان, پاۆلودار, قاراعاڭدى وبلىستارىنىڭ كەي جەرلەرىندە تۇمان, كوكتايعاق كۇتىلەدى.
شىعىس قازاقستان وبلىسىنىڭ كەي جەرلەرىندە تۇمان, كوكتايعاق بولجانادى, 15-20 م/س جىلدامدىقتا جەل سوعادى.
قىزىلوردا, ماڭعىستاۋ وبلىستارىنىڭ كەي جەرلەرىندە جەل 15-20 م/س كۇشەيەدى.
وڭتۇستىك قازاقستان وبلىسىنىڭ كەي جەرلەرىندە 15-20 م/س جىلدامدىقتا جەل سوعىپ, تۇندە جانە تاڭەرتەن جەكەلەگەن اۋدانداردا تۇمان بايقالادى.
الماتى وبلىسىنىڭ تۇندە جانە تاڭەرتەن كەي جەرلەرىندە تۇمان بايقالادى, جەل 15-20 م/س كۇشەيەدى.
جامبىل وبلىسىنىڭ كەي جەرلەرىندە تۇمان كۇتىلەدى.
اقمولا وبلىسىنىڭ جەكەلەگەن اۋماقتارىندا جولدا كوكتايعاق بولاتىنى بولجانادى.