اقتاۋدا اكۆاتاكسي جۇرەتىن بولدى

كەلەسى جىلى كاسپي جاعاسىندا سۋ كولىگى قىزمەتى پايدا بولادى. بۇل تۋرالى اقتاۋ قالالىق كاسىپكەرلىك, اۋىل شارۋاشىلىعى جانە ۆەتەريناريا ءبولىمىنىڭ جەتەكشىسى جاننا توقباەۆا حابارلادى, دەپ جازدى lada.kz.

ج.توقباەۆانىڭ ايتۋىنشا, «اكۆاتاكسي» جوباسى ءتۋريزمدى دامىتۋ باعدارلاماسى اياسىندا جاسالدى. ول جولاۋشىلاردى 1 شاعىناۋدان مەن 15 شاعىناۋدان ارالىعىندا تاسىمالداۋ قىزمەتىن اتقارادى. كەلەر جىلدىڭ جازىندا اقتاۋ تۇرعىندارى مەن قالا قوناقتارى جاڭا قىزمەتتى پايدالانا الادى. شامامەن, ءبىر جولاۋشىنىڭ جول ءجۇرۋ اقىسى 1 000 تەڭگە بولۋى مۇمكىن. بۇل قىزمەتتى اقتاۋعا ەنگىزۋ ءۇشىن, ج.توقباەۆانىڭ حابارلاۋىنشا, 100 ميلليون تەڭگە بولىنگەن. جالپى ءتۋريزمدى دامىتۋ سالاسىندا توعىز جوبا ماقۇلدانعان.