2016 جىلعى 26 قاڭتار, استانا قالاسى
قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىندا ءبىلىم الۋشىلاردىڭ كاسىپتىك پراكتيكاسىن جانە تاعىلىمداماسىن ۇيىمداستىرۋ جانە ودان ءوتۋ قاعيدالارىن بەكىتۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1-بابىنىڭ 11) تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىندا ءبىلىم الۋشىلاردىڭ كاسىپتىك پراكتيكاسىن جانە تاعىلىمداماسىن ۇيىمداستىرۋ جانە ودان ءوتۋ قاعيدالارى بەكىتىلسىن.
2. قازاقستان رەسپۋبليكاسى ىشكى ىستەر مينيسترلىگىنىڭ كادر جۇمىسى دەپارتامەنتى (ا.ءۇ.ابدىعاليەۆ):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى;
3) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىنعا جولداۋدى;
4) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى;
5) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە وسى تارماقتىڭ 1), 2), 3) جانە 4) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ىشكى ىستەر مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ءبىرىنشى ورىنباسارى پوليتسيا گەنەرال-لەيتەنانتى م.ع.دەمەۋوۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەننەن سوڭ قولدانىسقا ەنگىزىلەدى.
مينيستر پوليتسيا گەنەرال-پولكوۆنيگى ق.قاسىموۆ
قازاقستان رەسپۋبليكاسى ىشكى ىستەر ءمينيسترىنىڭ 2016 جىلعى 26 قاڭتارداعى №80 بۇيرىعىمەن بەكىتىلگەن
قازاقستان رەسپۋبليكاسى ىشكى ىستەر مينيسترلىگىنىڭ اسكەري,
ارناۋلى وقۋ ورىندارىندا ءبىلىم الۋشىلاردىڭ كاسىپتىك پراكتيكاسىن جانە تاعىلىمداماسىن ۇيىمداستىرۋ جانە ودان ءوتۋ قاعيدالارى
1. جالپى ەرەجەلەر
1. وسى قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىندا ءبىلىم الۋشىلاردىڭ كاسىپتىك پراكتيكاسىن جانە تاعىلىمداماسىن ۇيىمداستىرۋ جانە ودان ءوتۋ قاعيدالارى (بۇدان ءارى – قاعيدالار) «ءبىلىم تۋرالى» قازاقستان رەسپۋبليكاسىنىڭ زاڭى 5-1-بابىنىڭ 11) تارماقشاسىنا سايكەس ازىرلەندى جانە قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىندا (بۇدان ءارى – اسكەري, ارناۋلى وقۋ ورىندارى) ءبىلىم الۋشىلاردىڭ كاسىپتىك پراكتيكاسىن جانە تاعىلىمداماسىن ۇيىمداستىرۋ جانە وتكىزۋ ءتارتىبىن ايقىندايدى.
2. كاسىپتىك پراكتيكا جانە تاعىلىمدامانىڭ تۇرلەرى, مەرزىمدەرى جانە مازمۇنى قازاقستان رەسپۋبليكاسى ۇكىمەتىنىڭ 2012 جىلعى 23 تامىزداعى №1080 قاۋلىسىمەن بەكىتىلگەن جوعارى جانە جوعارى وقۋ ورنىنان كەيىنگى ءبىلىم بەرۋدىڭ مەملەكەتتىك جالپىعا مىندەتتى ستاندارتتارىنىڭ (بۇدان ءارى – بمجس) تالاپتارىنا سايكەس اكادەميالىق كۇنتىزبە بويىنشا انىقتالادى.
3. كاسىپتىك پراكتيكالاردىڭ جانە تاعىلىمدامالاردىڭ بارلىق تۇرلەرىنىڭ جالپى كولەمى كەمىندە 6 كرەديتتى قۇرايدى. پراكتيكالار جانە تاعىلىمدامالار كولەمى مەن ەڭبەك سىيىمدىلىعى بمجس تالاپتارىنا سايكەس ەسەپتەلەدى, پراكتيكانىڭ جانە تاعىلىمدامانىڭ سانى مەن ۇزاقتىعىن اسكەري, ارناۋلى وقۋ ورىندارى جۇمىس وقۋ جوسپارلارىنا سايكەس دەربەس انىقتايدى.
4. كاسىپتىك پراكتيكا جانە تاعىلىمدامانى ۇيىمداستىرۋ جانە وتكىزۋ ءۇشىن جاۋاپكەرشىلىك اسكەري, ارناۋلى وقۋ ورىندارىنىڭ, ءتيىستى ىشكى ىستەر ورگاندارىنىڭ باستىقتارىنا, عىلىمي ۇيىمداردىڭ جەتەكشىلەرىنە جۇكتەلەدى.
5. شەتەل مەملەكەتتەرىنىڭ ازاماتتارى بولىپ تابىلاتىن ءبىلىم الۋشىلاردىڭ كاسىپتىك پراكتيكاسى جانە تاعىلىمداماسى ءتيىستى مەملەكەتتەردىڭ قۇقىق قورعاۋ ورگاندارىندا, اسكەري بولىمدەرىندە, مەكەمەلەرىندە, كاسىپورىندارىندا وتكىزىلەدى.
2. اسكەري وقۋ ورىندارىندا كاسىپتىك پراكتيكا مەن
تاعىلىمدامانى ۇيىمداستىرۋ جانە ودان ءوتۋ
6. اسكەري وقۋ ورىندارىندا ءبىلىم الۋشىلاردىڭ كاسىپتىك پراكتيكاسىن جانە تاعىلىمداماسىن ۇيىمداستىرۋ جانە ودان ءوتۋ كاسىپتىك پراكتيكا مەن تاعىلىمدامادان وتۋگە ارنالعان ادىستەمەلىك نۇسقاۋلارعا (بۇدان ءارى – ادىستەمەلىك نۇسقاۋلار) سايكەس جۇزەگە اسىرىلادى.
7. ادىستەمەلىك نۇسقاۋلار:
1) ودان ءوتۋ جونىندەگى جالپى ەرەجەلەردى;
2) ۇيىمداستىرۋشىلىق ءىس-شارالاردى;
3) اسكەري ءبولىم كومانديرلەرىنىڭ, كاسىپتىك پراكتيكا جانە تاعىلىمداما باسشىلارىنىڭ, سونداي-اق ءبىلىم الۋشىلاردىڭ مىندەتتەرىن;
4) كاسىپتىك پراكتيكا جانە تاعىلىمداما كەزەڭدەرىن;
5) ءبىلىم الۋشىلاردىڭ كاسىپتىك پراكتيكا جانە تاعىلىمداما جونىندەگى ەسەپتى دايىنداۋىن جانە قورعاۋىن;
6) ادىستەمەلىك ۇسىنىمداردى;
7) كاسىپتىك پراكتيكا جانە تاعىلىمداما بويىنشا ەسەپتىك قۇجاتتامانىڭ ۇلگىلەرىن قامتيدى.
8. اسكەري وقۋ ورنىنىڭ باستىعى كاسىپتىك پراكتيكا جانە تاعىلىمداماعا دايىندىق جانە ودان ءوتۋ جونىندەگى جۇمىستى ۇيىمداستىرادى, ءبىلىم الۋشىلاردى بولەدى, كاسىپتىك پراكتيكا جانە تاعىلىمدامانىڭ جەتەكشىسىن تاعايىندايدى, جەرگىلىكتى جەرلەردە ودان ءوتۋىن باقىلاۋدى ۇيىمداستىرادى.
پراكتيكالار جانە تاعىلىمدامالار بازالارىنىڭ جەتەكشىلەرى اسكەري وقۋ ورنىنىڭ باستىعىمەن بىرگە كاسىپتىك پراكتيكا جانە تاعىلىمدامادان ءوتۋ ساپاسىنا جاۋاپ بەرەدى.
9. كاسىپتىك پراكتيكا جانە تاعىلىمدامادان ءوتۋ ءۇشىن اسكەري وقۋ ورنىنىڭ ءبىلىم الۋشىسىنا جەكە تاپسىرما, پراكتيكا جانە تاعىلىمداما كۇندەلىگى بەرىلەدى.
10. ءبىلىم الۋشىلار پراكتيكا جانە تاعىلىمداما بازاسىنا كەلگەن سوڭ, پراكتيكا جانە تاعىلىمداما بازالارى جەتەكشىلەرىنىڭ بۇيرىعىمەن لاۋازىمعا تاعايىندالادى, وندا ءبىلىم الۋشىلارعا كاسىپتىك پراكتيكا جانە تاعىلىمدامانىڭ تىكەلەي جەتەكشىلەرى ايقىندالادى.
11. سىرقاتى جانە باسقا دا دالەلدى سەبەپتەرمەن كاسىپتىك پراكتيكا جانە تاعىلىمدامادان وتپەگەن ءبىلىم الۋشىلار ءۇشىن كۋرسپەن, بىرۋاقىتتا اسكەري وقۋ ورنى باستىعىنىڭ شەشىمىمەن اسكەري وقۋ ورنىنىڭ وقۋ پروتسەسىن قامتاماسىز ەتۋ بولىنىستەرىندە ۇزاقتىعى كۇنتىزبەلىك 15-20 كۇن ىشىندە ودان ءوتۋ قوسىمشا ۇيىمداستىرىلادى.
12. ءبىلىم الۋشىلار اسكەري ءتارتىپتى, كۇن ءتارتىبىن ورەسكەل بۇزعان جاعدايدا پراكتيكا جانە تاعىلىمداما بازالارىنىڭ جەتەكشىلەرى اسكەري وقۋ ورنى باستىعىنىڭ كەلىسىمىمەن ءبىلىم الۋشىلاردىڭ كاسىپتىك پراكتيكادان جانە تاعىلىمدامادان ءوتۋىن توقتاتادى جانە ولاردى اسكەري وقۋ ورنىنا جىبەرەدى.
13. كاسىپتىك پراكتيكا جانە تاعىلىمداما اياقتالعان سوڭ ءاربىر ءبىلىم الۋشىعا ونىڭ پراكتيكا جانە تاعىلىمداما بازاسىنان تاعايىندالعان تىكەلەي جەتەكشىسى كاسىپتىك پراكتيكا جانە تاعىلىمدامادان وتكەنى, جەكە تاپسىرمانى ورىنداعانى تۋرالى جازباشا سىن-پىكىر جاسايدى.
14. سىن-پىكىر اسكەري وقۋ ورنىنان تاعايىندالعان كاسىپتىك پراكتيكا جانە تاعىلىمداما جەتەكشىسىمەن كەلىسىلەدى, ونى پراكتيكا جانە تاعىلىمداما بازاسىنىڭ جەتەكشىسى بەكىتەدى.
3. ارناۋلى وقۋ ورىندارىندا كاسىپتىك پراكتيكانى جانە
تاعىلىمدامانى ۇيىمداستىرۋ جانە ودان ءوتۋ
15. كاسىپتىك پراكتيكا جانە تاعىلىمداما اكادەميالىق كۇنتىزبەگە, جۇمىس وقۋ جوسپارلارىنا جانە ادىستەمەلىك نۇسقاۋلارعا سايكەس ۇيىمداستىرىلادى.
16. ارناۋلى وقۋ ورىندارىنىڭ سىرتتاي وقۋ نىسانىندا ءبىلىم الۋشىلار ماماندىعى بويىنشا جۇمىس ىستەگەن جاعدايدا كاسىپتىك پراكتيكادان جانە تاعىلىمدامادان وتۋدەن بوساتىلادى. ولار ارناۋلى وقۋ ورنىنا جۇمىس ورنىنان انىقتاما جانە ءتيىستى قىزمەت باستىعى قول قويعان, ولاردىڭ كاسىپتىك قىزمەتىن كورسەتەتىن مىنەزدەمە ۇسىنادى.
سىرتتاي وقۋ نىسانىنىڭ ماماندىعى بويىنشا جۇمىس ىستەمەيتىن ءبىلىم الۋشىلارى ارناۋلى وقۋ ورنى باستىعىنىڭ بۇيرىعىمەن نەگىزگى فۋنكتسيونالدىق مىندەتتەرىن ورىنداۋدان بوس ۋاقىتتا كاسىپتىك پراكتيكاعا جانە تاعىلىمداماعا جىبەرىلەدى.
17. كاسىپتىك پراكتيكا جانە تاعىلىمداماعا جىبەرۋ مەرزىمدەرىن, پراكتيكا جانە تاعىلىمداما بازالارىن, ارناۋلى وقۋ ورىندارىنان تاعايىندالعان كاسىپتىك پراكتيكا جانە تاعىلىمداما جەتەكشىلەرىن كورسەتە وتىرىپ, ارناۋلى وقۋ ورنى باستىعىنىڭ بۇيرىعىمەن رەسىمدەلەدى.
18. ارناۋلى وقۋ ورىندارى ءبىلىم الۋشىلاردى كاسىپتىك پراكتيكا جانە تاعىلىمداماعا جىبەرەر الدىندا ىشكى ىستەر ورگاندارىنا كاسىپتىك پراكتيكانى جانە تاعىلىمدامانى وتكىزۋ مەرزىمدەرى, ءبىلىم الۋشىلاردىڭ سانى جانە ولار پراكتيكادان جانە تاعىلىمدامادان وتەتىن ناقتى لاۋازىمدارى تۋرالى ۋاقتىلى حابارلايدى.
ارناۋلى وقۋ ورنى باستىعىنىڭ بۇيرىعىمەن پراكتيكانىڭ جانە تاعىلىمدامانىڭ ەرەكشەلىگىنە سايكەس ارناۋلى وقۋ ورىندارى كافەدرالارىنىڭ جانە ءتيىستى بولىنىستەرىنىڭ پروفەسسورلىق-وقىتۋشىلىق قۇرامىنىڭ تاجىريبەلى وكىلدەرى قاتارىنان پراكتيكا جانە تاعىلىمداما جەتەكشىلەرى تاعايىندالادى.
ءبىتىرتىپ شىعاراتىن كافەدرالار ءبىلىم الۋشىلاردى ادىستەمەلىك نۇسقاۋلارمەن, پراكتيكا جانە تاعىلىمداما كۇندەلىگىمەن قامتاماسىز ەتەدى.
19. ادىستەمەلىك نۇسقاۋلاردى بەيىندى كافەدرالار دايىندايدى, ولاردى وقۋ-ادىستەمەلىك كەڭەستىڭ وتىرىستارىندا قارايدى جانە ارناۋلى وقۋ ورنى عىلىمي كەڭەسىنىڭ شەشىمىمەن بەكىتەدى.
20. ادىستەمەلىك نۇسقاۋلار:
1) جالپى ەرەجەلەردى;
2) كاسىپتىك پراكتيكا جانە تاعىلىمدامانىڭ وقۋ, تاربيەلىك ماقساتتارى مەن مىندەتتەرىن;
3) كاسىپتىك پراكتيكا جانە تاعىلىمدامانىڭ كەزەڭدەرىن;
4) ۇيىمداستىرۋشىلىق ءىس-شارالاردى, ىشكى ىستەر ورگاندارى جەتەكشىلەرىنىڭ جانە كاسىپتىك پراكتيكا جانە تاعىلىمداما جەتەكشىلەرىنىڭ, سونداي-اق ءبىلىم الۋشىلاردىڭ مىندەتتەرى مەن قۇقىقتارىن;
5) الداعى كاسىپتىك پراكتيكا جانە تاعىلىمدامانىڭ بەيىنى بويىنشا تاپسىرمالاردى, ادىستەمەلىك نۇسقاۋلاردى, ولاردى ورىنداۋ مەرزىمدەرىن;
6) ءبىلىم الۋشىلاردىڭ پراكتيكا جانە تاعىلىمداما بويىنشا ەسەبىن دايىنداۋ ءتارتىبى مەن قورعاۋ مەرزىمدەرىن, ەسەپتىك ماتەريالداردىڭ مازمۇنىنا قويىلاتىن تالاپتاردى;
7) كاسىپتىك پراكتيكا جانە تاعىلىمداما بويىنشا ەسەپتىك قۇجاتتامانىڭ ۇلگىلەرىن قامتيدى.
21. ءىىم ارناۋلى وقۋ ورنىنان تاعايىندالعان كاسىپتىك پراكتيكانىڭ جانە تاعىلىمدامانىڭ جەتەكشىسى ءبىلىم الۋشىلارمەن كونسۋلتاتسيالار وتكىزەدى, كاسىپتىك پراكتيكا جانە تاعىلىمداما بويىنشا ەسەپتەردى تەكسەرەدى, ءبىلىم الۋشىلاردى پراكتيكا جانە تاعىلىمدامانى قورعاۋعا جىبەرۋ تۋرالى انىقتاما ازىرلەيدى, ونى كافەدرا باستىعىنا ۇسىنادى.
22. ارناۋلى وقۋ ورىندارى ءبىلىم الۋشىلاردىڭ كاسىپتىك پراكتيكاسىن جانە تاعىلىمداماسىن بەلگىلەنگەن مەرزىمدە جانە ادىستەمەلىك نۇسقاۋلارعا سايكەس ۇيىمداستىرۋدى جانە وتكىزۋدى باقىلايدى.
23. ىشكى ىستەر ورگاندارىنىڭ باسشىلارى ءبىلىم الۋشىلاردىڭ كاسىبي پراكتيكادان جانە تاعىلىمدامادان وتەتىن بولىنىستەرىن انىقتايدى, نەعۇرلىم دايىندالعان, وسى لاۋازىمدا كەمىندە 3 جىل جۇمىس ءوتىلى بار, جوعارى ىسكەرلىك جانە مورالدىق قاسيەتتەرگە يە قىزمەتكەرلەر اراسىنان تاعايىندالعان پراكتيكانىڭ جانە تاعىلىمدامانىڭ تىكەلەي جەتەكشىلەرىن بۇيرىقپەن بەكىتەدى; وسى بۇيرىقپەن ءبىلىم الۋشىلاردى پراكتيكا جانە تاعىلىمداما جەتەكشىلەرىنە بەكىتەدى ء(بىر قىزمەتكەرگە كەمىندە ءۇش ادام), ول تۋرالى ءتيىستى جوعارى وقۋ ورنىنا 3 جۇمىس كۇنى ىشىندە حابارلانادى, ءبىلىم الۋشىلارعا پراكتيكا جانە تاعىلىمدامادان ءوتۋ كەزىندە وسى قاعيدالارعا 1-قوسىمشاعا سايكەس نىسان بويىنشا ناقتى لاۋازىمدا ولاردىڭ مىندەتتەردى ورىنداۋىن راستايتىن جەكە باسىن كۋالاندىراتىن قۇجاتقا جاپسىرمالاردى ۋاقتىلى رەسىمدەۋدى جانە بەرۋدى ۇيىمداستىرادى.
ءبىلىم الۋشىلاردى ءبولىنىستىڭ جەكە قۇرامىنا تانىستىرادى, ولاردىڭ قۇقىقتىق جاعدايلارىن, ءبىلىم الۋشىلاردىڭ ءوز مىندەتتەرىن ورىنداۋى كەزىندەگى پراكتيكا جانە تاعىلىمداما جەتەكشىلەرىنىڭ جانە ءبولىنىستىڭ باسقا دا قىزمەتكەرلەرىنىڭ ءرولى مەن ورنىن تۇسىندىرەدى.
كاسىپتىك پراكتيكا جانە تاعىلىمدامادان ءوتۋىن باقىلاۋدى, پراكتيكا جانە تاعىلىمدامانى قورىتىندىلاۋدى, پراكتيكا جانە تاعىلىمداما ناتيجەلەرىن جيناقتاۋدى جانە تالداۋدى, ونى جەتىلدىرۋ بويىنشا ۇيعارىمدار ازىرلەۋدى ىشكى ىستەر ورگاندارىنىڭ باسشىسى جۇزەگە اسىرادى.
24. كاسىپتىك پراكتيكادان جانە تاعىلىمدامان وتۋگە كەلگەن سوڭ, ءبىلىم الۋشىلار ىشكى ىستەر ورگانىنىڭ پراكتيكا جانە تاعىلىمداما بازاسىنىڭ جەتەكشىسىمەن بىرلەسىپ, ادىستەمەلىك نۇسقاۋلار نەگىزىندە جەكە جوسپار ازىرلەيدى.
جەكە جوسپاردى ىشكى ىستەر ورگانىنىڭ پراكتيكا جانە تاعىلىمداما بازاسىنىڭ جەتەكشىسى بەكىتەدى.
25. پراكتيكا جانە تاعىلىمداما بازاسىنان تاعايىندالعان تىكەلەي جەتەكشى جەكە جوسپاردىڭ ورىندالۋىن كۇن سايىن باقىلايدى, ءبىلىم الۋشىعا كاسىپتىك پراكتيكا جانە تاعىلىمدامادان ءوتۋ بويىنشا ادىستەمەلىك جانە پراكتيكالىق كومەك كورسەتەدى, ۋچاسكەدەگى (وبەكتىدەگى, اۋدانداعى) جەدەل جاعدايمەن, ورىندالاتىن جۇمىستىڭ سيپاتىمەن جانە ەرەكشەلىكتەرىمەن تانىستىرادى, ءبىلىم الۋشىنىڭ جۇمىسىن تۇراقتى ەسەپكە الۋدى جانە باعالاۋدى, ونىڭ ءتيىستى قۇجاتتامانى جۇرگىزۋىن, ءبىلىم الۋشىلاردىڭ ىسكەرلىك جانە جەكە قاسيەتتەرىن زەردەلەۋدى, كاسىپتىك پراكتيكا جانە تاعىلىمداما اياقتالۋىنا كەمىندە 3 جۇمىس كۇنى قالعاندا ءبىلىم الۋشىعا مىنەزدەمە جاساپ, ونى ىشكى ىستەر ورگانىنىڭ باسشىسىنا بەكىتۋگە ۇسىنادى.
26. ءبىلىم الۋشىنىڭ مىنەزدەمەسىندە جەكە جوسپاردى ورىنداۋ ساپاسى, ءبىلىم الۋشىنىڭ لاۋازىمدىق مىندەتتەردى ورىنداۋعا دايىندىق دەڭگەيى, نورماتيۆتىك قۇقىقتىق قۇجاتتاردى ءبىلۋى جانە ولاردى جۇمىستا قولدانا ءبىلۋى, جەدەل-قىزمەتتىك قۇجاتتاردى جاساۋ داعدىسىنىڭ بار-جوعى, ارنايى تەحنيكالىق قۇرالداردى ساۋاتتى قولدانا ءبىلۋى, ۇيىمداستىرۋشىلىق قابىلەتىنىڭ بار-جوعى, مورالدىق-ەرىك جىگەرى, اتقارۋشىلىعى, تارتىپتىلىگى, جالپى مادەني دامۋ دەڭگەيى, ءبىلىم الۋشىنى قىزمەتتە پايدالانۋ بويىنشا ۇسىنىمدار كورسەتىلەدى.
مىنەزدەمەدە پراكتيكا جانە تاعىلىمدامانىڭ تىكەلەي جەتەكشىسى پراكتيكاعا جانە تاعىلىمداما ءۇشىن باعا قويادى.
ىشكى ىستەر ورگانىنان تاعايىندالعان پراكتيكا جانە تاعىلىمدامانىڭ جەتەكشىسى ءبىلىم الۋشى جاساعان جانە قول قويىلعان قۇجاتتاردىڭ شىنايىلىعىن جانە ءبىلىم الۋشىعا قويىلعان باعانىڭ ادىلدىگىن قامتاماسىز ەتەدى.
4. كاسىپتىك پراكتيكانى جانە تاعىلىمدامانى قورىتىندىلاۋ
27. كاسىپتىك پراكتيكا جانە تاعىلىمدامانىڭ قورىتىندىسى بويىنشا ءبىلىم الۋشىلار ءتيىستى كافەدراعا پراكتيكا جانە تاعىلىمداما بويىنشا ەسەپتى ىشكى ىستەر ورگانىنىڭ جانە اسكەري ءبولىمنىڭ پراكتيكا جانە تاعىلىمداما جەتەكشىسى بەرگەن مىنەزدەمەمەن (سىن-پىكىر) بىرگە ۇسىنادى.
پراكتيكا جانە تاعىلىمداما بويىنشا ەسەپتى اسكەري, ارناۋلى وقۋ ورىندارىنان تاعايىندالعان پراكتيكا جانە تاعىلىمداما جەتەكشىسى تەكسەرەدى جانە ونى كوميسسيا وتىرىسىندا قورعايدى.
28. كوميسسيا قۇرامىنا اسكەري, ارناۋلى وقۋ ورنىنان تاعايىندالعان پراكتيكا جانە تاعىلىمداما جەتەكشىسى, ءبىتىرتۋشى كافەدرانىڭ پروفەسسورلىق-وقىتۋشىلار قۇرامى كىرەدى. سونداي-اق كوميسسيا قۇرامىنا ىشكى ىستەر ورگاندارىنىڭ پراكتيكالىق بولىنىستەرىنىڭ تاجىريبەلى قىزمەتكەرلەرى تارتىلادى.
كوميسسيا توراعاسى اسكەري, ارناۋلى وقۋ ورىندارىنىڭ ءبىتىرتۋشى كافەدرالارىنىڭ باستىقتارى قاتارىنان سايلانادى. كوميسسيانىڭ قۇرامى 5 ادامنان اسپايدى.
كوميسسيانىڭ شەشىمى كوميسسيا مۇشەلەرىنىڭ كەمىندە ۇشتەن ەكى داۋىسى بولعان جاعدايدا كوپشىلىك داۋىسپەن قابىلدانادى. داۋىس تەڭ بولعان جاعدايدا كوميسسيا توراعاسىنىڭ داۋىسى شەشۋشى بولىپ تابىلادى.
29. پراكتيكا جانە تاعىلىمدامانى قورعاۋ قورىتىندىسى بويىنشا وسى قاعيدالارعا 2-قوسىمشاعا سايكەس نىسان بويىنشا كاسىپتىك پراكتيكا جانە تاعىلىمدامانى قورعاۋ حاتتاماسى تولتىرىلادى.
30. كاسىپتىك پراكتيكا جانە تاعىلىمداما بويىنشا قورىتىندى باعا ۇلەس سالماعى قورىتىندى باعانىڭ 60% قۇرايتىن ىشكى ىستەر ورگاندارىنان تاعايىندالعان پراكتيكا جانە تاعىلىمداما جەتەكشىسىنىڭ باعاسىن جانە ۇلەس سالماعى قورىتىندى باعانىڭ 40% قۇرايتىن اسكەري, ارناۋلى وقۋ ورنىنان تاعايىندالعان پراكتيكا جانە تاعىلىمداما جەتەكشىسى ۇسىنعان ەسەپتى قورعاۋ بويىنشا باعاسىن ەسكەرە وتىرىپ, قويىلادى.
ەسەپتى قورعاۋ ناتيجەلەرى باعالاۋدىڭ بەلگىلەنگەن بالدىق-رەيتينگتىك ارىپتىك جۇيەسى بويىنشا «ءبىلىم تۋرالى» قازاقستان رەسپۋبليكاسىنىڭ زاڭىنا سايكەس باعالانادى.
كاسىپتىك پراكتيكا جانە تاعىلىمداما بويىنشا ەسەپتى قورعاۋ قورىتىندىسى قورىتىندى باقىلاۋ ۆەدوموسىنە ەنگىزىلەدى.
كاسىپتىك پراكتيكانىڭ جانە تاعىلىمدامانىڭ قورىتىندىسى اسكەري, ارناۋلى وقۋ ورىندارىنىڭ ءتيىستى فاكۋلتەتتەرىندە, كافەدرالارىندا تالقىلانادى. پراكتيكانى جانە تاعىلىمدامانى جالپى قورىتىندىلاۋ ءىىم اسكەري, ارناۋلى وقۋ ورىندارىنىڭ وقۋ-ادىستەمەلىك كەڭەسىندە جۇرگىزىلەدى.
قازاقستان رەسپۋبليكاسى ىشكى ىستەر مينيسترلىگىنىڭ اسكەري,
ارناۋلى وقۋ ورىندارىندا ءبىلىم الۋشىلاردىڭ كاسىپتىك پراكتيكاسىن جانە
تاعىلىمداماسىن ۇيىمداستىرۋ جانە ودان ءوتۋ قاعيدالارىنا 1-قوسىمشا
نىسان
فورمات 90*60
№ ___________________________________________________ جەكە باسىن كۋالاندىراتىن
قۇجاتقا
جاپسىرما
كۋرسانت ______________________________________________________________________
(تەگى, اتى, اكەسىنىڭ اتى (بولعان جاعدايدا), ارناۋلى اتاعى)
_____________________________________________________________________لاۋازىمداعى
______________________________________________________________________________
(ىشكى ىستەر بولىنىستەرىنىڭ, مەكەمەنىڭ, ورگاننىڭ جانە لاۋازىمنىڭ اتاۋى)
پراكتيكانتى بولىپ تابىلادى.
ءىىد, كىىد, قاجد, تجد كادر جۇمىسى باسقارماسىنىڭ باستىعى
_____________________________________
_____________________________________
(ارناۋلى اتاعى) (قولى) (تەگى, اتى, اكەسىنىڭ اتى (بولعان جاعدايدا))
20__ جىلعى «_____» ____________
جەكە كۋالىكتى كورسەتكەن كەزدە _______________________________
(جەكە قولى)
20___ جىلعى «______» _________________ دەيىن جارامدى
قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىندا ءبىلىم الۋشىلاردىڭ كاسىپتىك پراكتيكاسىن جانە تاعىلىمداسىن ۇيىمداستىرۋ جانە ودان ءوتۋ قاعيدالارىنا 2-قوسىمشا
نىسان
كاسىپتىك پراكتيكانى جانە تاعىلىمدامانى قورعاۋ حاتتاماسى
№ ءبىلىم الۋشىنىڭ تەگى, اتى, اكەسىنىڭ اتى (بولعان جاعدايدا) پراكتيكا جانە تاعىلىمدامادان ءوتۋ ورنى, لاۋازىمى پراكتيكا جانە تاعىلىمداما جەتەكشىسىنىڭ تەگى, اتى, اكەسىنىڭ اتى (بولعان جاعدايدا) جانە لاۋازىمى پراكتيكانى جانە تاعىلىمدامانى قورعاۋ ناتيجەلەرى
كوميسسيا توراعاسى: ____________________
پراكتيكا جانە تاعىلىمداما جەتەكشىسى: ____________________
كوميسسيا مۇشەلەرى: ____________________
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 24 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13202 بولىپ ەنگىزىلدى.