قازاقستان رەسپۋبليكاسى پارلامەنتى سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ ءتورايىمى داريعا نازارباەۆا فرانتسۋز رەسپۋبليكاسى سىرتقى ىستەر جانە حالىقارالىق دامۋ مينيسترلىگى قۇرلىقتىق ەۋروپا دەپارتامەنتىنىڭ ديرەكتورى فلورانس مانجەندى قابىلدادى.
د.نازارباەۆا فرانتسيا قازاقستاننىڭ ەۋروپالىق وداقتاعى ساياسي جانە ەكونوميكالىق نەگىزگى ارىپتەسى بولىپ تابىلاتىنىن اتاپ ءوتتى. ءجۇزدەسۋشىلەر ەكى ەل اراسىنداعى ءوزارا ءىس-قيمىلدىڭ جوعارى دەڭگەيىنە دە نازار اۋداردى. گۋمانيتارلىق ىنتىماقتاستىق, اتاپ ايتقاندا, ۋنيۆەرسيتەتتەر اراسىنداعى عىلىمي بايلانىستاردى تەرەڭدەتۋدىڭ كەلەشەگى تالقىلاندى. قازاقستان مەن فرانتسياداعى ءدىنتانۋ ءپانىن وقىتۋعا قاتىستى تاقىرىپتار دا قوزعالدى.
سونداي-اق, حالىقارالىق كۇن تارتىبىندەگى وزەكتى ماسەلەلەر تالقىلاندى. حالىقارالىق تەرروريزم مەن ەكسترەميزمگە قارسى ءىس-قيمىل تۋرالى پىكىر الماسىلدى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.