«قتج» ۇك» اق قىزمەتكەرلەرىنىڭ 3-17 جاس ارالىعىنداعى 350-دەن استام بالالارى «التىن قالام» جانە «بالاۋسا بولاشاق» ءداستۇرلى بايقاۋلارىنا قاتىستى.
تەمىرجولشىلاردىڭ بالالارىن الەۋمەتتىك تۇرعىدا قولداۋ ماقساتىندا كومپانيا ۇيىمداستىرعان بۇل سايىس ەركىن تاقىرىپقا جانە قازاقستان تاۋەلسىزدىگىنىڭ 25 جىلدىعى تاقىرىبىنا ارنالدى.
بايقاۋ كوميسسياسىنىڭ شەشىمى بويىنشا, 70-تەن استام بالا جەڭىمپاز اتاندى. ولارعا باعالى سىيلىقتار مەن ىنتالاندىرۋ سىيلىقتارى تابىستالدى.
«بايقاۋ دەڭگەيى سان جاعىنان دا, ساپا جاعىنان دا جىلدان-جىلعا جاقسارىپ كەلەدى. بيىلعى جىلى ءبىزدى جاڭا تالانتتار قۋانتتى. ولار – ياسمين ءتۇسىپوۆا, 5 جاسقا دەيىنگى ءبۇلدىرشىندەر اراسىندا سۋرەت بايقاۋىنان ءبىرىنشى ورىنعا يە بولدى. 10 جاسقا دەيىنگى بالالار اراسىندا قارا ولەڭ جازۋدان ادىلەت ورىندىقباي مەن 14 جاسقا دەيىنگى بالالار اراسىندا پروزا جازۋدان ءمولدىر شىڭعىس الدارىنا جان سالمادى», – دەدى ادام رەسۋرستارىن باسقارۋ دەپارتامەنتىنىڭ باس مەنەدجەرى قورلان مەديحانوۆا.
ق.مەديحانوۆا كەلەسى بايقاۋعا بولات ماگيسترالدىڭ شالعايداعى ۋچاسكەلەرىندە تۇراتىن بۇلدىرشىندەردەن بيىلعىدان دا كوپ ءوتىنىم تۇسەتىنىنە سەنىمدى.
«ەگەمەن-اقپارات»