ەلباسى ن.ءا.نازارباەۆتىڭ حالىقتىڭ الەۋمەتتىك ءال-اۋقاتىن ارتتىرۋعا باعىتتالعان, پاراسات پەن كورەگەندىككە تولى «بولاشاقتى ءبىرگە قالايمىز» اتتى جولداۋىندا جاريا ەتىلگەن تىڭ باستاۋلار كەز كەلگەن سالادا جاڭا مۇمكىندىكتەر اشادى. جولداۋ قوعامنىڭ الدىنا جاڭا مىندەتتەر قويدى, ۇستانىمى جوعارى تالاپتار جۇكتەدى. اتاپ ايتساق, وندا باستى نازار الەۋمەتتىك, دەنساۋلىق ساقتاۋ, ءبىلىم بەرۋ, تۇرعىن ۇيمەن قامتاماسىز ەتۋ سىندى ايشىقتى ماسەلەلەرگە ارنالدى. اۋىل شارۋاشىلىعى سالاسىن ءوركەندەتۋ, يندۋستريالاندىرۋ مەن ينفراقۇرىلىمدى دامىتۋ ەسەبىنەن ورنىقتى ەكونوميكالىق ءورلەۋگە قول جەتكىزۋ, ادامداردىڭ ءباسەكەگە قابىلەتتىلىگىن ارتتىرۋ ءۇشىن جاعداي جاساۋ قاجەتتىگى ايتىلدى.
جەگى قۇرتتاي جالماعان جەمقورلىق ىندەتىن جويۋ شارالارى كورسەتىلدى. حالىقارالىق ساراپشىلاردىڭ تالداۋى بويىنشا قازاقستاننىڭ جەمقورلىققا قارسى زاڭناماسى ەڭ ءتيىمدى بولىپ تانىلدى. بۇل ورايدا كەدەن ورگاندارى, اسىرەسە, استانا قالاسى بويىنشا كەدەندىك باقىلاۋ دەپارتامەنتى جەمقورلىقپەن كۇرەستە پارمەندى ىستەر اتقارىپ كەلەدى.
كەدەن وداعى قۇرىلىپ, سونىڭ ارقاسىندا وتكەن جىلى وعان ءمۇشە مەملەكەتتەرگە قازاقستاندىق ءونىم ەكسپورتى 52,4 پايىزعا ارتىپ, ال بيۋدجەتكە تۇسەتىن كەدەن باجىنىڭ ءوسىمى 25 پايىزدى قۇرادى. كەدەن وداعى ءۇش ەلدىڭ ءوزارا ىنتىماقتاستىعى مەن سەرىكتەستىگىنىڭ جارقىن كەپىلى. ال استانا قالاسى بويىنشا كەدەندىك باقىلاۋ دەپارتامەنتى رەسپۋبليكانىڭ بيۋدجەتىن كەدەن تولەمدەرى مەن سالىقتار ەسەبىنەن 5 ملرد. 447 ملن. تەڭگەگە مولايتتى. سول سياقتى جولداۋدا قازاقتى ۇلت ەتىپ بىرىكتىرىپ وتىرعان انا ءتىلىمىزدىڭ تاعدىرى تۋرالى, 2017 جىلى قازاق ءتىلىن مەڭگەرگەن قازاقستاندىقتار سانى 80 پايىزعا, ال 2020 جىلى 95 پايىزعا ارتاتىندىعى ايتىلدى. بۇل ارادا دەپارتامەنتىمىزدە ءىس-قاعازدار جۇرگىزۋ تولىقتاي قازاق تىلىنە كوشىپ, بارلىق شىعىس حاتتار تەك قازاق تىلىندە جولداناتىنىن اتاپ ايتقىم كەلەدى. مەملەكەتتىك ءتىلدىڭ قولدانىلۋ اياسى مەيلىنشە كەڭەيتىلە تۇسۋدە.
باقىتجان سالقىمبەكوۆ, استانا قالالىق كەدەندىك باقىلاۋ دەپارتامەنتى باستىعىنىڭ مىندەتىن اتقارۋشى.