قازاق ەلىندە قىسقى ازيادانىڭ زور تابىسپەن وتكەندىگى بۇل كۇندەرى بۇكىل الەمگە ماعلۇم بولدى. جاقىندا ازيا وليمپيالىق كەڭەسىنىڭ پرەزيدەنتى شەيح احماد ءال-فاحاد ءال-ساباح الماتى قالاسىنىڭ اكىمى احمەتجان ەسىموۆكە العىس حاتىن جولداپ, ازيادانىڭ تابىستى ۇيىمداستىرىلىپ وتكىزىلۋىمەن قۇتتىقتادى.
بۇل حاتتا قازاقستاننىڭ سپورتتىق قۇراماسى ءۇشىن تاريحي تابىس اكەلگەن الماتىداعى جارىستاردى ۇيىمداستىرۋدا قولداۋ كورسەتىپ, ىنتىماقتاستىق جاساعانى ءۇشىن قالا اكىمىنىڭ جەكە وزىنە دە رازىلىق سەزىمى ءبىلدىرىلدى. سونداي-اق, قازاقستانداعى «ازيادا-2011» ازيا ويىندارىنىڭ بارلىق باسقا ۇيىمداستىرۋشىلارى ءۇشىن بوي تۇزەيتىن ۇلگى بولاتىندىعى اتاپ كورسەتىلدى.
الماتىدا اتالمىش ويىندار ءۇشىن جاساقتالعان سپورتتىق نىساندار مەن ينفراقۇرىلىم جوعارى حالىقارالىق ستاندارتتارعا ساي بولىپ شىقتى. مۇنىڭ ءوزى جارىستاردىڭ ويداعىداي وتۋىنە يگى ىقپال جاسادى. شەيح ءال-ساباح وسىناۋ عاجايىپ قۇرىلىس-عيماراتتاردىڭ ءبارى تاياۋ بولاشاقتا كوپتەگەن حالىقارالىق الامان دودالار مەن جارىستاردىڭ كۋاسى بولاتىنىنا سەنىمدى ەكەندىگىن اتاپ ايتتى.
قورعانبەك امانجول.