قۇراماعا لايىقتى قۇرمەت

استانادا ۇكىمەت ۇيىندە ءبىرىنشى ۆيتسە-پرەمەر ومىرزاق شوكەەۆ قىس­قى ازيا ويىندارىنىڭ جۇلدەگەرلەرىمەن كەزدەستى. كەزدەسۋگە الەكسەي پولتورانين, نيكولاي چەبوتكو, سەرگەي چەرەپانوۆ, ەۆگەني ۆەليچكو, سۆەتلانا مالاحوۆا, وكسانا ياتسكايا, ەلەنا كولومينا, اناستاسيا سلونوۆا, باپكەرلەردەن سەرگەي تيشكوۆ, سەرگەي سنى­تين, الەكساندر باتيايكين قاتىستى. وسى جەردە ءو.شوكەەۆ شاڭعى فەدەراتسياسىنىڭ پرەزيدەنتى رەتىندە ۇلتتىق قۇرامانىڭ ازيادادا كورسەتكەن ءناتي­جەسىنە جوعارى باعا بەرەتىنىن, 12 مەدال جيىنتىعى ساراپ­قا سالىنعان جارىستا وتانداستارىمىزدىڭ 6 التىن, 5 كۇ­مىس, 4 قولا مەدال جەڭىپ الۋى قازاقستان سپورتى ءۇشىن ۇلكەن وقيعا بولعانىن ايتىپ, جۇلدەگەرلەردىڭ ارقاي­سى­سىنا 10 مىڭ اقش دوللار كولەمىندە اقشالاي سىيلىق تابىس ەتتى. وسىدان كەيىن باپكەرلەر جانە سپورتشىلار اتىنان ءسوز سويلەگەن الەكساندر باتيايكين فەدەراتسيا باسشىلىعىنا العىسىن ءبىلدىردى. مۇندا ول فەدەراتسيانىڭ قولداۋى ارقا­سىندا شاڭعىشىلاردىڭ ۇلكەن جەتىستىكتەرگە جەتىپ ءجۇر­گەنىن ايتىپ, ەندى ۇلتتىق قۇرامانىڭ 21 اقپاندا نورۆە­گيا­نىڭ وسلو قالاسىندا وتەتىن الەم چەمپيو­ناتىنا قاتىساتىنىن ءتىل­گە تيەك ەتتى. ونىڭ ايتۋىنشا, بۇل سىندا  التى-التى سپورت­شىدان قۇرالعان ەرلەر مەن ايەل­دەر كومانداسى ونەر كورسەتەدى. ولاردىڭ اراسىندا 15 شا­قىرىمدىق كلاسسيكالىق جۇرىستە ا.پولتورانين مەن ن.چەبوتكوعا كوپ ءۇمىت ارتىلىپ وتىر. داستان كەنجالين.